馬祖 (海之戀商場)

營業中

休息中

約左朋友喺荃灣用膳，見天色昏暗，唔想行太遠，去左海之戀商場「馬祖」。餐廳主打一人一鍋台式火鍋，以藥膳湯底和豐富配料聞名。我哋點左個 90 分鐘全日定量火鍋，套餐包每人 2 碟 Prime Grade 肩胛肉眼、火鍋配料 Bar 、雪糕及雪櫃內飲品任飲任食，額外再送任飲即沖台式飲品。湯底揀左藥膳椰子清雞湯同蟲草花桃膠雞湯，前者椰味濃厚、清甜不膩；而後者亦用料十足，滋潤養生！肩胛肉眼質素非常高，不但紋理清晰、肉質細膩，而且肥瘦度剛好，入口香嫩有牛味。火鍋配料全部放晒喺自助區，有丸類、蔬菜和麵類等，全部都可以任食。台式飲料選了愛文芒果茉莉花茶，茶香與果香交織，清爽提神；另一杯柑桔檸檬特飲味道亦唔錯，入口冰涼潤喉！雪糕雪條有Movenpick、Dreyer's、Cocoberry 同 雀巢等，全部都貨量充足，食多兩杯已回本。