NINETYs (星光行) (已結業)

喺誠品書店扮完文青打完書釘，想試吓店內餐廳，就選擇咗眼前嘅呢間NINETYs。今日行得耐堅肚餓，所以叫得豐富啲，揀咗Boston Lobster Pasta🦞奬勵吓自己。蕃茄意粉配半隻龍蝦，有蕃茄仔所以特別開胃，龍蝦鉗大大隻非常打卡able。話明要叫得豐富啲，就當然要叫多啲主食，所以另外揀咗Crab & Burrata Cheese Pizza。佢係一個手工薄餅，所以都製作需時，但以佢嘅味道嚟講係絕對值得等待。薄餅之上有蟹肉、三文魚子、蕃茄、蘆筍等等嘅食材，豐富又美味。Sauvignon White Grape係法國嘅提子汁，清甜又解渴。起初以為呢杯Milk Oolong係一杯凍奶茶，原來佢奶嘅成份係混入咗喺茶葉入面，所以目測變成一杯清茶，配合大量嘅冰塊特別解渴。除此之外，NINETYs亦有提供各式包點同咖啡，自認有品味嘅我下次都會再幫襯。