影片
更多
2022-10-13
344 瀏覽
臨近中秋, 放工同太太食餐好, 假日經過德福呢間台式火鍋放題餐廳, 經常都出現人群排隊, 可見人氣, BOOK定檯今晚盡情大飲大食!四款套餐價錢選擇. 揀咗---澳洲黑毛牛肩押肉套餐, 而湯底就8選1, 揀咗一品酸菜白肉鍋。入座起計90分鐘無限任飲任食, 肉類同部份火鍋配料以SCAN QR code落單, 餐廳一個角落設自助區, 整齊放著多款火鍋配料, 包括有丸類、蔬菜類、醬料, 仲有台灣小食自助區, 供應台灣特定小食, 例如地瓜丸、台灣腸、台式甜品(DIY芋圓仙草)等等….飲品方面就有幾個大雪櫃, 除了有罐裝汽水、果汁, 仲有冷泡茶, 岩哂放題打邊爐清下熱。湯底極速上檯, 一品酸菜白肉鍋內有幾片豬肉片, 湯底酸味味, 令人胃口大開。我地呢個套餐有齊豬、牛、羊、雞, 第一round當然點哂所有款嘅牛試試。澳洲黑毛牛肩押肉: 切得大大片, 油花唔算多, 但分佈均勻, 肉質軟嫩中富有彈性美國特選極佳牛肉: 油花分佈較為集中, 肉味相對重一d上選安格斯牛肉: 呢款牛係呢間餐廳最basic嘅款式, 當然油花紋理冇咁吸引, 質素相對黑毛牛當然比不上。牛胸爽: 熟後超爽滑, 好食不過易令人覺得得膩
四款套餐價錢選擇. 揀咗---澳洲黑毛牛肩押肉套餐, 而湯底就8選1, 揀咗一品酸菜白肉鍋。
入座起計90分鐘無限任飲任食, 肉類同部份火鍋配料以SCAN QR code落單, 餐廳一個角落設自助區, 整齊放著多款火鍋配料, 包括有丸類、蔬菜類、醬料, 仲有台灣小食自助區, 供應台灣特定小食, 例如地瓜丸、台灣腸、台式甜品(DIY芋圓仙草)等等….飲品方面就有幾個大雪櫃, 除了有罐裝汽水、果汁, 仲有冷泡茶, 岩哂放題打邊爐清下熱。
湯底極速上檯, 一品酸菜白肉鍋內有幾片豬肉片, 湯底酸味味, 令人胃口大開。
我地呢個套餐有齊豬、牛、羊、雞, 第一round當然點哂所有款嘅牛試試。澳洲黑毛牛肩押肉: 切得大大片, 油花唔算多, 但分佈均勻, 肉質軟嫩中富有彈性
美國特選極佳牛肉: 油花分佈較為集中, 肉味相對重一d
上選安格斯牛肉: 呢款牛係呢間餐廳最basic嘅款式, 當然油花紋理冇咁吸引, 質素相對黑毛牛當然比不上。
牛胸爽: 熟後超爽滑, 好食不過易令人覺得得膩, 飽肚。
美國豬梅花: 色澤粉嫩, 細嫩柔軟, 味道甘香。
阿嬤燒雞酒: 雞件醃得入味, 熟後依然食到陣陣酒香。
熟食嘅牛雜好入味。
套餐亦包含了幾款海鮮,鯛魚片: 魚質太林, 一夾就難, 魚味唔太重
海蝦: 未至於肥美, 但至少唔係死蝦煤嘅口感。
蜆: 都幾大隻, 而且冇沙
墨魚滑: 質地唔彈牙, 偏林身, 有墨魚幼粒增加層次。
台灣鴨血: 較為薄咗d, 質感少許彈滑魚皮: 香脆冇苦澀味
最後留肚食甜品, 有韓國雪條同埋香港品牌嘅海鹽雪糕任食。另外, 再親手調配咗碗台灣仙草生果蒟蒻, 超滿足!!!
張貼
