彩羽壽司

營業中

休息中

$498 Omakase Lunch究竟有咩食？沙律、茶碗蒸刺身4款、壽司8件、手卷、玉子燒麵豉湯、味噌汁、甜品一開始嘅沙律清新開胃，螢光魷魚茶碗蒸滑溜溜。刺身方面，鯛魚肉質鮮嫩；煙鏗魚油脂豐富；生蠔肥美爽滑，海水味濃郁；鮟鱇魚肝泡芙嘅配搭幾有創意，魚肝甘香濃郁，泡芙外脆內軟。壽司方面，八件壽司各有特色。魷魚面上嘅竹炭鹽帶出魷魚嘅鮮甜；池魚油脂適中，味道清新；獅魚肉質結實；拖羅入口即溶，油香滿溢；碟魚裙邊油脂豐富，燒過之後更加香口；車子瀨尿蝦烏魚子粉嘅配搭幾特別；貝柱鮮甜爽脆；海膽甘香濃郁😋另外加購嘅太卷用料十足，海膽、拖羅、蛋黃、青瓜嘅組合，口感豐富。最後午餐仲加咗黑糖刨冰，為呢餐畫上完美句號。刨冰口感幼滑，黑糖味香濃，甜而不膩，非常 refreshing。