101肉燥飯專門店 (西洋菜南街) (已結業)

今日同位同事又無乜idea食乜，又遊下旺角邊行邊諗食咩。行到近女人街，見到101肉燥飯專門店，見好耐無去過就呢間啦！每次黎呢間食lunch，都必定食午市小食三串一（$48），因為選擇彈性，而價錢都合理。鹽酥雞翼（2隻）- 外脆內嫩既，個皮唔會太喊。辣味薯角 - 唔辣既，但幾重薯仔味，份量算多。雪菜肉絲肉燥新竹米粉 - 米粉係值得一讚，唔會太淋，非常爽口，加埋d雪菜肉燥令成個米粉好野味！凍芒果汁 - 無乜特別，果汁一杯。下次想食米粉都會再黎呢間既！