影片
更多
2024-11-23
386 瀏覽
今次係尖沙咀發掘到呢一間性價比超強日式燒肉店：鞍下熟成肉✨門面小小但店內氣氛好好，除左傳統卡位外仲設有吧枱座位，最適合同朋友燒住肉飲返杯！同老公揀左鞍下Kurashita Set ($288)，份量唔吝嗇而且包括不同部位及級數，全程仲有店員一邊幫手燒一邊細心講解，套餐價錢物超所值🤩🔸是日漬物先上醃蘿蔔以及泡菜，微酸爽脆口感非常開胃🔸黑毛和牛極上牛舌芯、黑毛和牛脷底肉店員建議牛舌芯燒至5成熟，脷底肉就燒至全熟，果然突出到不同部位的口感！牛舌芯嫩滑軟稔，脷底肉口感較為結實， 配上自家調味京蔥一齊食更加香口🔸A5薩摩牛極上赤身肉赤身肉油花均勻分佈，適量油份唔會蓋過薩摩牛自身肉香，醬燒令味道更濃郁🔸「4%の奇跡」霜降肉、牛肋肉牛隻必須達到一定等級和霜降程度先可以稱為4%の奇跡，估唔到呢個價位既燒肉套餐已經可以食到🥹 霜降肉油脂好似大理石紋理咁細緻分佈，燒過後油香充分逼出；牛肋肉紅肉比例較多所以肉味更濃，但同樣入口融化！🔸厚切白豚腩燒肉片、京畿道柚子嫩雞腿砌得靚靚既白豚腩燒肉片非常厚切，以黑椒簡單調味，肉質軟嫩。雞腿就以柚子作調味，清新味道一解飽膩感🤤🔸辛口味噌漬牛腸牛腸清理乾淨無異味，用味噌醃
今次係尖沙咀發掘到呢一間性價比超強日式燒肉店：鞍下熟成肉✨門面小小但店內氣氛好好，除左傳統卡位外仲設有吧枱座位，最適合同朋友燒住肉飲返杯！同老公揀左鞍下Kurashita Set ($288)，份量唔吝嗇而且包括不同部位及級數，全程仲有店員一邊幫手燒一邊細心講解，套餐價錢物超所值🤩
🔸是日漬物
先上醃蘿蔔以及泡菜，微酸爽脆口感非常開胃
🔸黑毛和牛極上牛舌芯、黑毛和牛脷底肉
店員建議牛舌芯燒至5成熟，脷底肉就燒至全熟，果然突出到不同部位的口感！牛舌芯嫩滑軟稔，脷底肉口感較為結實， 配上自家調味京蔥一齊食更加香口
🔸A5薩摩牛極上赤身肉
赤身肉油花均勻分佈，適量油份唔會蓋過薩摩牛自身肉香，醬燒令味道更濃郁
🔸「4%の奇跡」霜降肉、牛肋肉
牛隻必須達到一定等級和霜降程度先可以稱為4%の奇跡，估唔到呢個價位既燒肉套餐已經可以食到🥹 霜降肉油脂好似大理石紋理咁細緻分佈，燒過後油香充分逼出；牛肋肉紅肉比例較多所以肉味更濃，但同樣入口融化！
🔸厚切白豚腩燒肉片、京畿道柚子嫩雞腿
砌得靚靚既白豚腩燒肉片非常厚切，以黑椒簡單調味，肉質軟嫩。雞腿就以柚子作調味，清新味道一解飽膩感🤤
🔸辛口味噌漬牛腸
牛腸清理乾淨無異味，用味噌醃過後鹹香帶辣勁
🔸鑄鐵焼きA5挽肉 配 蘭王蛋
將免治A5牛肉掐成漢堡扒放上爐燒，望住滿滿肉汁溢出香氣撲鼻😍店員會加入鮮橙色既蘭王蛋，拌勻後蛋汁完美襯托漢堡扒，必食！
🔸蒜香A5和牛炊飯(二人前)(+$99)
原鍋炊飯有和牛粒、蘿蔔、京蔥等配料，暖暖既窩心主菜可以減低燒肉油脂感🥰
張貼
