影片
更多
2025-06-19
0 瀏覽
同親一大班朋友食飯都想搵個無限時但又可以任飲任食嘅地方，但通常都好貴。不過呢間「為食火鍋公司」嘅放題真係抵食到癲，$298唔單止無限時任食，仲有齊刺身、酸菜魚或雞煲同海鮮拼盤，而且有好味嘅牛同豬，性價比爆燈！ **📍 位置** 開喺創業街萬泰利廣場，地鐵站行過去5分鐘，都算容易去。 **🔥 放題流程** 1️⃣ **頭盤小食+燉湯** 一坐低可以揀小食，有5款小食，甜蕃薯條、唐揚脆炸雞、蟹子沙律、甜酸炸大腸同鮑汁雞腳。炸雞同甜蕃薯條都新鮮炸起脆卜卜，甜蕃薯條好綿密好好味，鮑汁雞腳夠哂淋好入味。另外仲有燉湯送，好足料，有螺片、瑤柱、翅、雞腳、瘦肉 、火腿等，飲落又暖胃！ 2️⃣ **刺身盛合** 有三款當日精選刺身，用冰鎮住，三文魚牡丹蝦新鮮，北寄貝爽甜。 3️⃣ **酸菜魚/ 雞煲** 酸菜魚/雞煲二選一，我哋揀左雞煲。雞煲乾身香口又惹味，雞件嫩滑，可以無限Refill，我哋Encore左一轉，食完可以轉火鍋湯底！ 4️⃣ **火鍋湯底+海鮮拼盤** 之後揀湯底，我哋揀咗沙嗲金菇牛面肉湯，沙嗲湯底都算幾濃郁，仲有金菇牛面肉打底。海鮮拼盤有大蜆、白鱔片、脆魚鯇、半殼元貝、蝦，全部都
**📍 位置**
開喺創業街萬泰利廣場，地鐵站行過去5分鐘，都算容易去。
**🔥 放題流程**
1️⃣ **頭盤小食+燉湯**
一坐低可以揀小食，有5款小食，甜蕃薯條、唐揚脆炸雞、蟹子沙律、甜酸炸大腸同鮑汁雞腳。炸雞同甜蕃薯條都新鮮炸起脆卜卜，甜蕃薯條好綿密好好味，鮑汁雞腳夠哂淋好入味。另外仲有燉湯送，好足料，有螺片、瑤柱、翅、雞腳、瘦肉 、火腿等，飲落又暖胃！
2️⃣ **刺身盛合**
有三款當日精選刺身，用冰鎮住，三文魚牡丹蝦新鮮，北寄貝爽甜。
3️⃣ **酸菜魚/ 雞煲**
酸菜魚/雞煲二選一，我哋揀左雞煲。雞煲乾身香口又惹味，雞件嫩滑，可以無限Refill，我哋Encore左一轉，食完可以轉火鍋湯底！
4️⃣ **火鍋湯底+海鮮拼盤**
之後揀湯底，我哋揀咗沙嗲金菇牛面肉湯，沙嗲湯底都算幾濃郁，仲有金菇牛面肉打底。海鮮拼盤有大蜆、白鱔片、脆魚鯇、半殼元貝、蝦，全部都新鮮，尤其元貝最好食。
5️⃣ **任食火鍋配料**
特級牛頸脊雪花靚油脂正又有咬口，豚肉餐牌寫榮獲日本優秀獎，首次出口，產量極少，好爽口又帶油香，兩者都好高質，唔係填飽肚嘅貨色！其他丸餃類火鍋配料都係大路款，蔬菜就有自助吧可以自己夾～
**🍦 甜品**
最後仲有甜品，可以揀開心果或者芒果味雪糕 ，加埋爆珠，完美作結！
**飲品**
自助飲品吧唔包酒精，但汽水茶類等無酒精飲品任飲。
總結：呢個價錢食到刺身+雞煲+高質牛肉豚肉海鮮，仲要無限時，真係冇得輸！
張貼
