御泰坊-泰越菜 (已結業)

同幾個朋友約食飯，想喺觀塘附近食，雖然工廠大廈區有好多高質選擇，但為咗方便大家搵個就腳地點，最後都係去返APM食呢間泰越菜。位於APM 4樓餐廳區嘅呢間泰國菜，可能通常都係book位既關係我哋七點晚市時段去，只要係兩個鐘來交枱就可以直接入去。餐廳內環境舒適裝修簡約，職員友善。為咗迎合各人口味我哋都係叫咗一個好經典嘅泰國菜組合，有海鮮菠蘿炒飯，金邊粉，芒果炒牛柳粒，同雞肉串燒。當中係芒果炒牛柳粒最有驚喜最出色，鮮嫩嘅牛柳粒配埋鮮甜嘅芒果片加上入味香口既腰果，送飯一流，呢道菜成為左我覺得呢間餐廳必叫菜式。總括來講係一間適合一家大細朋友聚會等等想食一頓簡簡單單泰菜嘅好選擇。