富豪酒家

營業中

休息中

適逢24週年紀念暨連續14年榮獲米芝蓮1星餐廳，富豪酒家推出咗超值嚐新鮑魚美食餐。精美點心拼盤揀咗晶瑩海蝦餃、蟹黃燒賣仔、安蝦咸水角。蝦餃好足料，蝦肉鮮甜又彈牙。燒賣仔皮薄餡靚，仲有濃濃嘅蟹黃香。咸水角又脆又多餡，好惹味呀！富豪靚湯味道鮮甜，仲有菜乾香。然後就到重頭戲：30頭養殖吉品鵝掌時菜。鮑魚彈牙鮮美，鵝掌炆煮得軟腍入味。鮑汁仲好鮮味。然後就到主食：迷你瑤柱鮮蝦荷葉飯。米飯吸收晒瑤柱、鮮蝦嘅鮮味，仲有陣陣荷香。佢哋嘅甜品好出色。先嚟一碗生磨蛋白杏仁茶。味道香濃幼滑。然後到精選甜美兩款：椰汁馬荳糕、欖仁合桃酥。馬荳糕滿滿椰香，甜度啱啱好。欖仁合桃酥香脆可口。