西記粥店 (已結業)

尋日行過見到呢間舊式粥店,突然想食腸粉就係呢度食午餐。明顯地係家庭式經營,老一輩都唔係太熱情,只有一位後生小姐落力招呼人客。食左我至愛既叉燒腸($8)同炸兩($6)。下晝食腸粉都預左唔會即拉,如我所料所有腸粉都入晒蒸櫃熱住,味道當然唔會太好,但呢個價錢食到飽飽都無咩所謂。食食下至睇到原來有全日$23任食!!!我都食左$14啦,加多幾蚊可以食多好多野呀!!不過要早d去,質素應該仲正。呢度選擇都幾多,除左腸粉仲有生滾粥、煲仔飯、糖水、油器、炒麵/米粉。