鳥海山鐵板燒 (已搬遷) 新店位置

今日我決定嚟試一試依鳥海山鐵板燒。餐廳內外裝修都好舒服，好寬敞。菜單有好多日式料理同刺身，樣樣都好吸引。最後叫左一個特上壽司盛九貫Omakase，一份牛肉薄燒，一份特大野生虎蝦，同埋炙燒丼。特上壽司盛九貫 $298首先上嘅係壽司，店員好細心介紹每一件， 而每一件都係咁鮮味，首先要由三文魚籽開始食，店員提醒緊係要聽。我最中意食既係兩件火炙壽司，特別係左口裙邊，入口即溶， 鮮味同口感都一流。特大野生虎蝦 $298跟住係特大虎蝦，蝦肉大件又彈牙，蝦膏味道濃郁，連個蝦頭都已經處理好可以一大啖食鐵板燒出黎既熱力將蝦既香味迫哂出黎，絕對推薦。牛肉薄燒 $158再下一樣係牛肉薄燒，外表睇落無咩特別，原來內有乾坤， 食落口原來有蔥同埋少量嘅炸蒜，同牛肉十分配搭，十分滿足。炙燒丼 $278最後就係炙燒丼，份量充足，我最鐘意係佢大大塊，咁先有口感，三文魚、吞拿魚、帶子、裙邊，同埋糖心蛋，每樣經個火炙後帶出更肥美既味道，無得頂。