戀茶舍 (粉嶺中心)

營業中

休息中

喺粉嶺中心食完飯，行過見到有間新開嘅台式茶飲店，所以就行入去望吓。飲品選擇好多，望落都好有特色，而且價錢合理，決定試一試。問店員有咩推介，店員話超級牛油果係新產品，而且係澳洲牛油果，望到佢哋一箱箱牛油果，好新鮮好靚。不過由於食得太飽，驚飲牛油果會更full，所以冇試到。老公一望到Menu好快就決定要醇香波波奶茶，佢叫咗走冰微糖。好欣賞佢嘅珍珠細細粒，超煙韌，而且杯奶茶好重茶香，好好飲！而我就叫咗杯芋圓奶茶加仙草，走冰半糖。仙草好滑，加埋芋圓，成杯嘢飲好有咬口好豐富。