椰小盅燉湯專門店 (太古城中心)

營業中

休息中

疫情關係都好少外出食lunch了... 見今日星期五返工人數少，近近地去左太古城誠品（都好耐無來誠品了），原來開左間椰子燉湯。近排少左湯水飲，見到係燉湯即刻心心眼。椰小盅有9款椰子燉湯選擇，價湯由$65起，加$9可以配埋紫薯飯及小吃，其實都幾抵。我呢個係織金竹笙烏雞椰小盅，湯料十足！我估有半隻烏雞；加上用椰子，味道比椰青/椰皇濃味好多！小食係滷雞翼配醃蘿蔔，醃蘿蔔咸咸地用黎佐飯一流！椰小盅店面唔算大，加上疫情關係，坐滿人都只係得20個，所以想堂食就要早d黎。另外小店仲備有搓手液及口罩袋給客人，大家食得放心又安心。