手拉麵小廚

營業中

休息中

水準依舊！其實好耐以前食過，不過自從佢上左新假期，人氣急升之後，人龍長到嚇親我，所以好耐無黎。隔左好一段時間，突然好懷念呢到既小籠包，於是今晚五六左右點就過左黎，心諗應該無人咁早食晚餐，果然真係無咩人，完全唔洗等位。我地叫左一份小籠包，同埋一碗豬排擔擔麵。小籠包依舊咁juicy，D汁多到一隻湯羹都裝唔住，味道好好，皮薄餡靚。擔擔麵亦都唔遜色，望落去好似好紅好辣，但其實一D都唔辣，好香花生味，面質好有口感，我估應該係手打面，因為呢間野叫手拉麵哈哈哈，豬排都炸得好香。不過價錢就勉強可以接受，見住佢一直加價，就黎拍得住商場既價錢，不過仲保持到食物既水準，就放過你啦！🤣