90s Lazy (先施大廈) (已結業)

再次發現另一間隱世小店！由於連鎖店食得多同食到厭，於是娟窿娟啦搵到呢間樓上cafe。雖然餐廳既位置唔太起眼，但入面既格局令人耳目一新。店主應該花左好多心思係裝修同設計，裡面有好多盆栽，比人好cozy既感覺，適合打卡。如果想同三五知己一齊食下野吹下水，呢到都係一個唔錯既選擇。另外留意到天花板有projector，我諗呢到應該都適合公司party等等既場合。講完環境氣氛就講下食物，呢到既野食應該係即叫即整，因為都等左一段時間，不過慢工出細貨，食物既質素無令人失望。朋友點左個香煎雞扒飯，聞落去好香，我試左一啖飯，個醬汁好特別，同塊肉好夾。我就點左煙三文魚蜆肉忌廉汁扁意粉，令人難以忘懷。首先佢十分足料，平時出親去食既蜆一係就急凍蜆肉，一係就大量蜆殻但一粒蜆肉都無，但呢到真係比到足，而且好新鮮，無咩沙。另外裡面好大量蔬菜類，例如蕃茄仔，翠玉瓜，洋蔥，為整碟意粉生色不少，口感大增，同埋個汁都好rich！最後講下杯野飲，朋友叫左柚子蜜，我叫左杯紅棗茶，新鮮滾熱辣， 味道岩岩好，唔會太淡唔會太甜，非常養生！最後最後，推介想試新野既你，一齊去支持下90後開既隱世小店！