麻辣派對 (瑞生酒店) (已結業)

晚上約了朋友係尖沙咀食飯，由於朋友係無辣不歡，所以我上網搵左一輪資料，終於選擇左呢間麻辣派對作為聚會地點。係研究完menu後，我地決定點一個酸菜魚，一個口水雞同一個炒芥蘭，飲品方面我地叫左水果冰茶。由於我自己對辣度的上限不太高，所以最尾我地都係叫左小辣。首先到的是口水雞，雞肉嫩滑而在小辣辣度配搭下我覺得剛好，作為一個前菜小食類開胃一流。跟住係主菜酸菜魚，菜單上有多種魚種選擇，最終我地選擇左黑魚，酸菜魚的份量很足，足夠3-4人分享用。酸菜魚的材料應很足料，其中魚肉有分兩種，一種係薄切的魚片，一種係魚塊，兩種魚肉各有不同口感，魚片滑而無骨，而魚塊肉質較結實及有魚味。配料除左有酸菜外，有魔芋及薯粉兩種食材，兩種食材吸滿湯汁之後非常入味。我地最後點了一個炒芥蘭，芥蘭有除去較老的表皮部分，用薑蔥炒後味道不錯。飲品方面係水果冰茶，水果冰茶解辣一流，而且份量亦不少。最後在用餐完畢後有甜品贈送，當日的甜品係桂花糕，桂花糖的味道很足但質感略嫌太過流質。