影片
更多
2018-02-15
1227 瀏覽
今日係2017既最後一日，仲要係假期星期日，除夕倒數出街食預左多人。晏晝出動，同朋友行下街睇下電影打發時間，失算左既係，電影完場時間已差唔多到左夜晚開飯黃金時段，仲要係旺角區，都心知不妙。由是呢日天氣幾凍下，實在不得不去打番個邊爐賀賀佢(3個人打散叫邊爐又唔抵食又貴)，但係旺角2小時任食邊爐條龍長到望唔到盡頭咁濟﹛於是靈機一觸，諗起黃埔果頭角位都有間任食打邊鋪，於是即刻搭地鐵過黎。黎到都係7點15分左右，門外有為數10多人，扲左籌3個人要等15張枱。就係咁一等等左成2個幾鐘，差唔多10點先入座(不過大時節真係要有好強既心理準備預左)，晚餐變消夜，唔敢想像係旺角排會唔會變左早餐呢，哈哈)係漫長既等待期間既揀好湯底，辛辣泡菜同豬骨湯底，揀食最BASIC級數既牛牛。其實堅持排，最大原因係鐘情日式邊爐多於中式，個湯底多花款變化，辛辣泡菜湯係完勝，仲有一班友都係牛王精，最鐘意食牛，黎到其實都主要主打任食牛，已經唔太記得消化左幾多碟牛，就係勁食無極限既LEVEL抵銷番晒回本，日式打邊黎講味道不俗，所以等都值既。除夕夜呢日好難忘，有別於一般既除夕，皆因等食等左2個半鐘咁濟。不過同三五知己聚埋一齊開心
今日係2017既最後一日，仲要係假期星期日，除夕倒數出街食預左多人。晏晝出動，同朋友行下街睇下電影打發時間，失算左既係，電影完場時間已差唔多到左夜晚開飯黃金時段，仲要係旺角區，都心知不妙。
由是呢日天氣幾凍下，實在不得不去打番個邊爐賀賀佢(3個人打散叫邊爐又唔抵食又貴)，但係旺角2小時任食邊爐條龍長到望唔到盡頭咁濟﹛於是靈機一觸，諗起黃埔果頭角位都有間任食打邊鋪，於是即刻搭地鐵過黎。
黎到都係7點15分左右，門外有為數10多人，扲左籌3個人要等15張枱。就係咁一等等左成2個幾鐘，差唔多10點先入座(不過大時節真係要有好強既心理準備預左)，晚餐變消夜，唔敢想像係旺角排會唔會變左早餐呢，哈哈)
係漫長既等待期間既揀好湯底，辛辣泡菜同豬骨湯底，揀食最BASIC級數既牛牛。其實堅持排，最大原因係鐘情日式邊爐多於中式，個湯底多花款變化，辛辣泡菜湯係完勝，仲有一班友都係牛王精，最鐘意食牛，黎到其實都主要主打任食牛，已經唔太記得消化左幾多碟牛，就係勁食無極限既LEVEL抵銷番晒回本，日式打邊黎講味道不俗，所以等都值既。
除夕夜呢日好難忘，有別於一般既除夕，皆因等食等左2個半鐘咁濟。不過同三五知己聚埋一齊開心飲飲食食，值得。
張貼
