影片
更多
2010-03-19
6 瀏覽
7 點鐘食飯，行街又行到無咩想行，而且我星期一會離開香港，行程都未plan過。所以諗下諗下不如搵個地方坐低hea下plan下行程都好wor，所以就黎左呢度啦。大概 4 點幾黎到，一個客人都無，可以揀個窗邊 2 人位慢慢坐下。我覺得呢度環境幾好，係街邊既一角，唔會好多人流，雖然出面景色當然唔係靚，但睇住D車絡繹不絕咁係馬路駛過，都係另一種感覺。而且我覺得呢度D櫈都幾舒服喎，因為佢可以好舒服咁挨落個PAN度，所以我覺得坐得幾好。由於去到後期羊小姐又過埋黎搵我，我地等到夠鐘食飯先走，所以我計過我足足係度坐左 2.5 hours呀!! 我叫左一杯Cappuccino，另外原本想叫marble cheesecake，不過佢得返new york cheesecake同German Cheesecake，由於我唔想太漏，最後所以揀左後者。之後我就一路慢慢食，慢慢飲，再慢慢睇下旅遊書睇下有咩好玩啦。German Cheesecake味道較清淡，幾適合我喎。佢係一層芝士一層蛋糕咁相隔住。有芝士味但又不會過份濃郁，是淡淡的香味。蛋糕雖然鬆軟，不過感覺乾左少少，食落口無咁舒服。表面有一層滑滑既啫喱咁，整件蛋
大概 4 點幾黎到，一個客人都無，可以揀個窗邊 2 人位慢慢坐下。我覺得呢度環境幾好，係街邊既一角，唔會好多人流，雖然出面景色當然唔係靚，但睇住D車絡繹不絕咁係馬路駛過，都係另一種感覺。而且我覺得呢度D櫈都幾舒服喎，因為佢可以好舒服咁挨落個PAN度，所以我覺得坐得幾好。
由於去到後期羊小姐又過埋黎搵我，我地等到夠鐘食飯先走，所以我計過我足足係度坐左 2.5 hours呀!! 我叫左一杯Cappuccino，另外原本想叫marble cheesecake，不過佢得返new york cheesecake同German Cheesecake，由於我唔想太漏，最後所以揀左後者。之後我就一路慢慢食，慢慢飲，再慢慢睇下旅遊書睇下有咩好玩啦。
German Cheesecake味道較清淡，幾適合我喎。佢係一層芝士一層蛋糕咁相隔住。有芝士味但又不會過份濃郁，是淡淡的香味。蛋糕雖然鬆軟，不過感覺乾左少少，食落口無咁舒服。表面有一層滑滑既啫喱咁，整件蛋糕味道都唔算太差。
Cappuccino黎到外型幾靚喎，有個心心拉花，飲落去奶泡夠滑同密，溫度亦剛剛好。咖啡味幾重，有著些苦澀味，不過我飲到少少燶味既感覺，唔知係佢隻咖啡豆本身係咁定點呢？個味道唔會令你好厭惡的，但就係有少少似燶味啦。
坐下飲下食下hea下睇下書，再等到羊小姐黎又傾左一陣，咁就過左兩個半鐘，之後我地就一齊出發去晚飯既飯局啦。呢度真係幾好幾舒服，是會令人想再來的一個地方。=)
張貼
