The Point Kitchen (奧海城二期) (已結業)

放咗工，與朋友係奧海城shopping買完秋裝🍂，好肚餓，我哋上次食過The Point 嘅晚市套餐，幾抵，今次再食。餐廳差不多滿座，好好彩，唔使等位。$348 晚市套餐已包括頭盤2份、自選主菜2款及特色飲品2杯。我哋選咗🥗自家醃製三文魚配茴香頭沙律三文魚係自家醃製嘅，唔係好鹹，幾好，三文魚卷成花形，配以清新嘅沙律菜，打開我哋嘅味蕾。🦑蕃茄醬燴烏賊墨魚汁意大利麵+$18墨魚肉好彈牙，意粉煮得啱啱好，而且意粉好掛汁，味道方面充滿墨魚及番茄的鮮甜味。🍕食肉獸披蕯口感鬆軟的餅底上有幾豐富嘅配料，有辣肉腸、意大利香腸粒、西班牙臘腸、墨西哥辣椒、以燒烤醬烹製，好惹味。🌿薄荷茶(+$14 x 2)食完飯，朋友說來一杯薄荷茶吧！飲完薄荷茶好舒服又清涼，又可以幫我哋消脂😆。