影片
更多
2023-09-13
71 瀏覽
西貢係我經常去嘅好地方，一直都知道海邊有間靚靚餐廳，「Turtle by the Sea」可以180度望晒成個海景。餐廳分bar & restaurant同埋cafe兩個區域，門面設計已經好休閒寫意，以木色同藍色為主，採光度十足，仲設有戶外位置，可以享受陽光與海風，好有度假feel。餐廳係dog friendly，海旁又係狗狗散步熱點，所以好多客人都會帶同狗狗一齊嚟食嘢。店員服務親切有禮，會細心留意客人嘅需要。我哋QRcode落單。ღ𝓜𝓪𝓲𝓷𝓼⊛炭燒美國頂級牛扒(西冷300g) $338𝐺𝑟𝑖𝑙𝑙𝑒𝑑 𝑈𝑆𝐷𝐴 𝑝𝑟𝑖𝑚𝑒 𝑠𝑡𝑒𝑎𝑘𝑠 (𝑠𝑡𝑟𝑖𝑝𝑙𝑜𝑖𝑛 300𝑔)我哋點咗medium well，用木板捧上，炭燒表面微焦，切開粉嫩多汁，第一啖品嚐原汁原味，肉質柔嫩好juice，又可沾上海鹽同胡椒調味。有三款sauce可選擇，我揀咗蘑菇汁，菌香濃郁有菇粒，配上後都唔會掩蓋濃郁嘅牛味。薯蓉好滑，滿滿奶香。配菜有甘筍、蘆筍、翠玉瓜，烤得香甜，本身好鍾意食烤蒜，烤過後口感香甜軟腍，濃濃蒜香。ღ𝑺𝒎𝒂𝒍𝒍 𝒃𝒊𝒕𝒆𝒔⊛魔鬼火辣辣炸雞 $88𝐷𝑒𝑣𝑖𝑙 𝑠𝑝𝑖𝑐𝑦 𝑓𝑟𝑖𝑒𝑑 𝑐ℎ𝑖𝑐𝑘𝑒𝑛有
西貢係我經常去嘅好地方，一直都知道海邊有間靚靚餐廳，「Turtle by the Sea」可以180度望晒成個海景。餐廳分bar & restaurant同埋cafe兩個區域，門面設計已經好休閒寫意，以木色同藍色為主，採光度十足，仲設有戶外位置，可以享受陽光與海風，好有度假feel。
餐廳係dog friendly，海旁又係狗狗散步熱點，所以好多客人都會帶同狗狗一齊嚟食嘢。店員服務親切有禮，會細心留意客人嘅需要。我哋QRcode落單。
炭燒美國頂級牛扒(西冷300g)
5 瀏覽
0 讚好
0 留言
ღ𝓜𝓪𝓲𝓷𝓼⊛炭燒美國頂級牛扒(西冷300g) $338
𝐺𝑟𝑖𝑙𝑙𝑒𝑑 𝑈𝑆𝐷𝐴 𝑝𝑟𝑖𝑚𝑒 𝑠𝑡𝑒𝑎𝑘𝑠 (𝑠𝑡𝑟𝑖𝑝𝑙𝑜𝑖𝑛 300𝑔)
我哋點咗medium well，用木板捧上，炭燒表面微焦，切開粉嫩多汁，第一啖品嚐原汁原味，肉質柔嫩好juice，又可沾上海鹽同胡椒調味。有三款sauce可選擇，我揀咗蘑菇汁，菌香濃郁有菇粒，配上後都唔會掩蓋濃郁嘅牛味。薯蓉好滑，滿滿奶香。配菜有甘筍、蘆筍、翠玉瓜，烤得香甜，本身好鍾意食烤蒜，烤過後口感香甜軟腍，濃濃蒜香。
魔鬼火辣辣炸雞
5 瀏覽
0 讚好
0 留言
⊛魔鬼火辣辣炸雞 $88
𝐷𝑒𝑣𝑖𝑙 𝑠𝑝𝑖𝑐𝑦 𝑓𝑟𝑖𝑒𝑑 𝑐ℎ𝑖𝑐𝑘𝑒𝑛
有正常辣同魔鬼辣選擇，沾滿韓式風味醬汁嘅炸雞，入口都幾辣，醬汁濃郁酸酸地又鹹香，咬開雞肉入味，嫩滑juice。
瑪加麗塔皇后薄餅
2 瀏覽
0 讚好
0 留言
ღ𝓟𝓲𝔃𝔃𝓪⊛瑪加麗塔皇后薄餅 $158
𝑀𝑎𝑟𝑔ℎ𝑒𝑟𝑖𝑡𝑎
餐廳自家製pizza，餅邊脆餅身鬆軟，食到麵粉香。酸酸番茄醬做基底，鋪滿mozzarella芝士，鹹香濃郁有拉絲，配合basil獨特香氣，增加多層次風味。
𝐿𝑦𝑐ℎ𝑒𝑒 𝑙𝑜𝑣𝑒𝑟、𝐿𝑖𝑘𝑒 𝑎 𝑚𝑜𝑗𝑖𝑡𝑜
7 瀏覽
0 讚好
0 留言
ღ𝑴𝒐𝒄𝒌𝒕𝒂𝒊𝒍𝒔
⊛𝐿𝑦𝑐ℎ𝑒𝑒 𝑙𝑜𝑣𝑒𝑟 $78
(𝘏𝘰𝘮𝘦𝘮𝘢𝘥𝘦 𝘧𝘳𝘦𝘴𝘩 𝘭𝘺𝘤𝘩𝘦𝘦 𝘴𝘺𝘳𝘶𝘱, 𝘮𝘪𝘯𝘵, 𝘴𝘰𝘥𝘢)
荔枝味好清香，但又唔會好甜，加埋薄荷同有汽梳打，好清爽。
⊛ 𝐿𝑖𝑘𝑒 𝑎 𝑚𝑜𝑗𝑖𝑡𝑜 $68
(𝘊𝘳𝘶𝘴𝘩𝘦𝘥 𝘧𝘳𝘦𝘴𝘩 𝘮𝘪𝘯𝘵, 𝘭𝘪𝘮𝘦, 𝘩𝘰𝘮𝘦𝘮𝘢𝘥𝘦 𝘮𝘪𝘯𝘵 𝘴𝘺𝘳𝘶𝘱, 𝘴𝘰𝘥𝘢)
新鮮薄荷加梳打，夾埋青檸夠晒酸，感覺好fresh，有汽解渴，啱晒夏天飲。
ღ𝑫𝒆𝒔𝒔𝒆𝒓𝒕⊛菠蘿椰子慕絲蛋糕 $68
𝐶𝑜𝑐𝑜𝑛𝑢𝑡 & 𝑝𝑖𝑛𝑒𝑎𝑝𝑝𝑙𝑒 𝑚𝑜𝑢𝑠𝑠𝑒 𝑐𝑎𝑘𝑒
一入到餐廳已經俾凍櫃裡面嘅甜品吸引住，全部係餐廳自家製。店員打開一個黑色星球盅上枱，好欣賞呢款椰子造型嘅甜品，造型滿分，一定要打咭先。面放菠蘿蓉，朱古力脆皮外殼，裡面係奶泡慕絲，滿滿椰奶香又滑，包住一層鬆軟嘅海綿蛋糕，同冰凍芒果雪糕，味道直頭係鳳仙雪條個芯。味道層次豐富，清香又低甜，好鍾意，必食推介。
菠蘿椰子慕絲蛋糕、朱古力心太軟
4 瀏覽
0 讚好
0 留言
⊛朱古力心太軟 $108
𝑀𝑜𝑙𝑡𝑒𝑛 𝑙𝑎𝑣𝑎 𝑐ℎ𝑜𝑐𝑜𝑙𝑎𝑡𝑒 𝑐𝑎𝑘𝑒
切開一刻，流心朱古力漿慢慢流出，蛋糕外脆內濕潤，朱古力味超濃郁，配雲呢拿Gelato一齊食一流，溫熱中帶點冰凍嘅多重層次，伴有脆條同金寶碎增加脆脆口感。
食物、飲品、甜品都同樣出色，好享受呢種寧靜舒適嘅海邊環境，好chill。
#Turtle by the Sea地址：西貢惠民道1號海濱公園
張貼
