影片
更多
2018-04-26
116 瀏覽
如果你問我銅鑼灣有咩好食，我相信打開個openrice就有好多選擇，咩菜式都有，真係各式各樣都有。今日嚟食呢間茶記，主要係因為想食小菜，同埋試下傳說中$18嘅鮑魚雞煲，鮑魚雞煲，鮑魚雞煲（好重要所以要講3次）。講真，茶記嚟講呢，啲坐位係真係好坐，唔會好逼，同埋坐得唔舒服，好似好趕住要你走咁。環境都好別緻，不過人太多，真係唔太敢影相，怕影到人。🤣講返啲小菜，我地叫咗3個小菜，食咗XO醬西蘭花炒鮮魷，川味乾煸肉碎四季豆，同埋鮑魚雞煲，飲咗佢個中湯。我同個friend一人一碗，兩碗都有大隻雞腳😋，絕對唔係得隻腳趾。XO醬西蘭花炒鮮魷，個西蘭花入味，鮮魷唔老，火喉係啱嘅，有鑊氣，XO醬個份量適中。重要嘅係，佢係足料嘅，唔係求求其其俾一兩片魷魚俾你就算。川味乾煸肉碎四季豆，個川味係真係有麻辣嘅味道，唔係加咗幾粒指天椒就算。四季豆炒得好香，肉碎係份量好足嘅，其實淨係肉碎都可以撈到兩碗飯，至少。最後要介紹性價比爆登嘅鮑魚雞煲，佢只係$18就有3隻鮑魚，而且仲好好多舊雞。而且味道係真心唔錯嘅，每一舊雞都係入味嘅，雖然有蔥蒜墊底，但係我真心覺得份量真係好足，平靚正。補充：話間鋪頭sell溫情都唔過份，因
今日嚟食呢間茶記，主要係因為想食小菜，同埋試下傳說中$18嘅鮑魚雞煲，鮑魚雞煲，鮑魚雞煲（好重要所以要講3次）。
講真，茶記嚟講呢，啲坐位係真係好坐，唔會好逼，同埋坐得唔舒服，好似好趕住要你走咁。環境都好別緻，不過人太多，真係唔太敢影相，怕影到人。🤣
講返啲小菜，我地叫咗3個小菜，食咗XO醬西蘭花炒鮮魷，川味乾煸肉碎四季豆，同埋鮑魚雞煲，飲咗佢個中湯。我同個friend一人一碗，兩碗都有大隻雞腳😋，絕對唔係得隻腳趾。
XO醬西蘭花炒鮮魷，個西蘭花入味，鮮魷唔老，火喉係啱嘅，有鑊氣，XO醬個份量適中。重要嘅係，佢係足料嘅，唔係求求其其俾一兩片魷魚俾你就算。
川味乾煸肉碎四季豆，個川味係真係有麻辣嘅味道，唔係加咗幾粒指天椒就算。四季豆炒得好香，肉碎係份量好足嘅，其實淨係肉碎都可以撈到兩碗飯，至少。
最後要介紹性價比爆登嘅鮑魚雞煲，佢只係$18就有3隻鮑魚，而且仲好好多舊雞。而且味道係真心唔錯嘅，每一舊雞都係入味嘅，雖然有蔥蒜墊底，但係我真心覺得份量真係好足，平靚正。
補充：話間鋪頭sell溫情都唔過份，因為啲侍應哥哥姐姐會好主動介紹你食咩，而且好親切！
張貼
