影片
更多
2025-03-27
0 瀏覽
美味廚 Megan's Kitchen 今年又獲米芝蓮必比登推介，已經係連續 14 年獲得呢個殊榮，曾經介紹過佢哋嘅真漢子，覺得佢哋係實至名歸。👍🏻雖然唔係素食餐廳，但佢哋不斷增加素食嘅選擇，令到食肉同食素嘅朋友都可以一齊分享美食。等我同大家 update 吓佢哋有咩新嘢先。🌞💚 首先係佢哋嘅午巿素食一人火鍋，由 $198 減到 $148，keep 住款式多，份量足，仲有糖水送，個個食飽都攬住個肚走。🫄🏻💚 新增咗兩款素醬：🌰 松子姬松茸醬 – 姬松茸，松子同香菇黃豆醬，食到姬松茸嘅鮮味，但唔會太重口味。🍄 菌王醬 – 香菇 ，杏鮑菇加黃豆醬，味道較濃，微辣，鮮味又帶少少咸香，食落似 XO 醬。兩款醬都非常正，試咗之後基本上唔會想點返辣椒豉油，返唔到轉頭。😆💚 佢哋嘅一人鍋換咗新爐，可以自己調較大細火力，非常方便。連細節都一絲不苟，不愧係米芝蓮餐廳。💯💚 多咗兩款素湯底，分別係「素日式麵豉豆腐魔芋湯」同「甘荀粟米馬蹄西芹素湯」，正所謂左手係肉，手背又係肉，掙扎咗好耐真漢子終於揀咗日式湯底。👘麵豉湯底夠味但唔咸，配料有腐皮，白蘿蔔，冬菇，芋絲，豆腐，夠哂正宗和風。大家可以先食套餐其他料先
雖然唔係素食餐廳，但佢哋不斷增加素食嘅選擇，令到食肉同食素嘅朋友都可以一齊分享美食。等我同大家 update 吓佢哋有咩新嘢先。🌞
💚 首先係佢哋嘅午巿素食一人火鍋，由 $198 減到 $148，keep 住款式多，份量足，仲有糖水送，個個食飽都攬住個肚走。🫄🏻
素餃
0 瀏覽
0 讚好
0 留言
響鈴，雜菌
0 瀏覽
0 讚好
0 留言
爽滑生麵
0 瀏覽
0 讚好
0 留言
紅豆西米糖水
0 瀏覽
0 讚好
0 留言
💚 新增咗兩款素醬：
松子姬松茸醬，菌王醬
0 瀏覽
0 讚好
0 留言
🌰 松子姬松茸醬 – 姬松茸，松子同香菇黃豆醬，食到姬松茸嘅鮮味，但唔會太重口味。
🍄 菌王醬 – 香菇 ，杏鮑菇加黃豆醬，味道較濃，微辣，鮮味又帶少少咸香，食落似 XO 醬。
兩款醬都非常正，試咗之後基本上唔會想點返辣椒豉油，返唔到轉頭。😆
💚 佢哋嘅一人鍋換咗新爐，可以自己調較大細火力，非常方便。連細節都一絲不苟，不愧係米芝蓮餐廳。💯
💚 多咗兩款素湯底，分別係「素日式麵豉豆腐魔芋湯」同「甘荀粟米馬蹄西芹素湯」，正所謂左手係肉，手背又係肉，掙扎咗好耐真漢子終於揀咗日式湯底。👘
素日式麵豉豆腐魔芋湯
0 瀏覽
0 讚好
0 留言
麵豉湯底夠味但唔咸，配料有腐皮，白蘿蔔，冬菇，芋絲，豆腐，夠哂正宗和風。大家可以先食套餐其他料先，等啲湯料入哂味之後再食就非常正。😋
粉麵類今次試咗薯粉，屬扁身，似幼嘅河粉，晶瑩剔透，食落彈牙之餘又十分爽滑。😘
紅薯水晶粉
0 瀏覽
0 讚好
0 留言
紅薯水晶粉
0 瀏覽
0 讚好
0 留言
散叫咗個鮮腐皮，豆味好重而且肉厚，正。😝
鮮腐竹
$68
0 瀏覽
0 讚好
0 留言
💚 蔬菜拼盤都可以打卡？加咗兩支心型嘅紅心蘿蔔，除咗勁靚，蘿蔔味都好濃，而且好爽口，得兩粒唔夠喉呀。🙈
蔬菜拼盤
0 瀏覽
0 讚好
0 留言
負責人表示由於素食開始廣泛，例如坊間有 green Monday 嘅傳統，所以佢哋餐廳都加入更多素食選擇。真漢子除咗好欣賞佢哋推動素食嘅努力，亦都證明咗愈多人食素，素食係會有更多選擇㗎，所以大家記得多啲支持有素食嘅餐廳呀。☺️💋
張貼
