牛川日本和牛專門店 (已結業)

秋風起，又係bbq嘅最佳時間😎 近日同朋友黎銅鑼灣呢間牛川和牛專門店，120分鐘任食A5和牛，價錢$458一位，唔算平但有A5和牛食，牛魔王就值回票價🥰一坐低未點菜時，店員已經會準備好海鮮拼盤，和牛沙律，刺身拼盤，前菜小食，同牛肉拼盤🤯 真係一坐低已經成枱都係野食。餐廳做緊promo，like佢地fb仲有生蠔送添架😍 生蠔肉質肥美，感覺新鮮無腥無雪味，大家記住一定要攞呀！黎得和牛餐廳當然重點喪食牛肉😎 餐廳其實有好多款牛肉選擇，A5 A4和牛同普通安格斯都可以揀，咁我地當然只target最高級嘅A5啦😏 A5和牛有3個部位可以選擇，有牛五花，牛冧，同稀有千本筋。我3樣都有試各有特色，我比較重口味就鍾意牛五花，脂肪較多，一放落爐燒溶d脂肪就入口即溶，牛味更香👍🏼其他放題食品仲有各款烤肉，蔬菜，炸物，刺食，主食等，真係好多野食🤭 最後走之前仲有每人一杯雪糕作結添。