早2日突然轉凍即刻想打邊爐 ..
為左滿足所有慾望，叫左個
日本A4黑毛和牛火鍋放題 2個鐘任食
點左佢地期間限定嘅湯底
聰明魷魚沙茶鍋 同埋 養生菇菌燉雞鍋
個人鐘意養生菇菌燉雞鍋 ，好足料，未開始落食物已經飲左好多湯 ；魷魚沙茶比較濃味 ，其實都好正😊
套餐超豐富，個人大推和牛 ，真係好好食，重牛味，入口即溶！
海鮮拼盤亦不得了 ，鮑魚大大隻亦有鮮味
仲有好少打邊爐食豬既我，呢個黑毛豬真心正，簿簿一片口感剛好！
小食除咗平時叫個d 甜不辣，台灣腸，今次個套餐有2款特別既小食。 1 . 蝦多士 （好脆！） 2.日本和牛橘梨伴豆腐 （好fresh , 小小酸甜，幾好👍🏻）
仲叫左個 「阿嬷豆乾魚蓉麵 」 支持下本土，佢既麵係-永樂粉麵廠做！
甜品- 蜜桃愛玉冰酸酸甜甜 ，解膩🥂🥂
其他就唔多講，種類太多太多，絕對大滿足
2/12前晚市點呢個餐會送🦀大閘蟹一隻！
