萬麗咖啡室

營業中

休息中

今晚嚟食自助晩餐，雖然系平日，都全場滿座。凍海鮮龍蝦、凍蝦都好新鮮。熱盤蒸龍躉肉略為老左啲，蝦肉燒賣、帶子蝦仁、燒腩仔肉、燒牛肉都吾錯，燉湯就一般，洋蔥湯系自助餐比較少見，加左芝士碎更加惹味好飲，雞肉冬菇羹加左芫茜好提味，即灼了一碗什錦牛肉湯油麵，個湯頭吾系好夾，建議用返雲吞或豬骨湯底。每位有一隻蒸龍蝦，蒸嘅同凍食完全系兩種體驗，蒸龍蝦保留左肉汁而且質地彈牙。甜點方面，班蘭蛋糕鬆軟，麵包布甸加左合桃果仁比較特別，窩夫充滿蛋香再加上些雪糕球。飲品每位一杯橙汁或汽水一罐，熱飲就自助形式。枱與枱之間卻寬濶，侍應收碟勤快有禮，是一個不錯的用餐體驗。