權哥火煱 (已結業)

$108 無加一 90分鐘 雞煲1鍋加任食火鍋料，任飲啤酒加多款飲品，已經係好超值！ 記得book位先去，因為見到有人walkin 失敗。揀左個麻辣雞煲大辣，同外面的雞煲唔同，唔係乾水嘅，而係雞浸麻辣湯，所以即刻可以去加火鍋料，唔駛等食晒d雞先加得湯去大邊爐！ 雞煲係意外地好食，早d撈上黎d雞就滑d，另建議先試味才去攞豉油。火鍋料係一般火鍋要有都有，當然唔好預係靚料啦，唔高要求都可以食到反艇😁 只係d菜唔係好新鮮，所以食幾條就算。驚喜的係有生雞蛋，建議最味煮公仔麵時先打隻蛋落去煮一煮，安全d無加一，全自助形式😉 每張枱不大，最好係2-4知己去。環境光猛，比預期好。碗筷全即棄，都可以話少樣嘢擔心嘅，環保者除左要自己帶碗筷公筷之外，都要帶個膠盤去攞生料😂。由於真係時光倒流20年嘅價錢，雖然食物質素一般，但得閒都可以再翻兜。