二少門 (已結業)

晏周要喺旺角搵食一啲都唔容易，無意之中俾我發現呢間新開餐廳，嘢食快靚正，又有套餐價，抵！每人叫咗一份set ， 我就叫咗呢個牛寶寶湯麵，原來可以轉蝦湯底架！ 因為我同事話佢哋呢度既蝦湯底好正，好濃郁！ 個蝦湯真心正，唔怪得我見隔籬枱個個都係一定要揀呢個蝦湯，我呢份有好足料嘅牛腩同埋牛肩胛，牛味好香，配埋蝦湯底，完全係天作之合🤣我同事就揀咗呢個香烤雞卷蝦汁拌麵套餐，再配埋炸蝦角，個蝦角熱辣辣脆口，拌麵都好好味，原來可以揀熱拌或者係冷拌，啱晒夏天無胃口食，下次我要揀呢個試下先佢呢度啲套餐性價比好抵，另外我都見到佢有啲學生優惠，全部主食都可以跟小食同埋嘢飲，性價比爆燈！！！