🔸沙律🥗
日式新鮮沙律配上海葡萄
🔹蒸蛋🥚
一啲都唔簡單，係鵝肝蒸蛋配上魚子醬，雞蛋香滑帶有鵝肝香味及少少黑椒味，入口順滑。
🔸清酒煮蜆🍶
蜆肉剛熟，本身已經好鮮味再加上清酒，鮮甜味再昇華，而且個湯清澈，海鮮味十足。
🔹澳洲龍蝦🦞
新鮮龍蝦，配上師傅特調醬汁🤤蝦肉香煎得恰到好處，剛剛熟又juicy，肉質tender又細膩。
🔸鵝肝多士🍞
鵝肝入口即溶，配上特調焦糖醬更顯鵝肝油香。另外仲有清新酸甜嘅柚子啫喱配襯，減低油膩感，食落清新。當然唔少得香脆多士，一齊食更突顯鵝肝嘅軟滑。
🔹日本A5和牛厚燒🥩
最上等嘅A5和牛，牛肉嘅雪花纹非常細緻。師傅熟練嘅手法，掌握牛肉嘅熟成，口感軟嫩，脂肪入口即化，仲有一種獨特嘅奶香回甘。擺盤都十分精緻，配上Wasabi沙律醬減低和牛嘅肥膩感，仲有香脆蒜片配搭口感。
🔸櫻花蝦炒飯🍚
分量十足嘅櫻花蝦炒飯，師傅先爆香櫻花蝦，蝦殼已經散發住好香嘅海鮮味，簡單配上洋蔥，蛋花，葱已經非常足夠，仲有隻荷包蛋🍳 個飯炒得粒粒分明，粒粒軟糯。
🔹漬物🥒
🔸吸物🥣
海鮮麵豉湯，仲有海帶及豆腐。
🔹甜品🍨
日本直送嘅抹茶雪糕，抹茶味濃郁。
🏮餐廳另外仲有許願天燈投影，食客除咗可以欣賞師傅烹調食物嘅功架，仲可以用iPad 投影天燈許願，非常有趣。如果一大班人嚟，仲可以預先book定 VIP房，最多可以容納12人。
