牛角Buffet (美麗華廣場1期)

營業中

休息中

牛角buffet出名質素好，同事介紹尖沙咀呢間啲肉好味道，於是專登嚟排隊。第一次用金卡，金卡可以優先排隊，唔使等咁耐。有問過店員攞飛，但佢一直都冇理我。因為時間大概六點鐘，有位可以入座，不過想等埋先生先入，因為只有100分鐘唔想蝕。點知道六點三已經full咗，再問店員，原來要出示張金卡先會畀金卡飛，又唔一早講，浪費我啲時間。最後等到六點九，即係等咗半個鐘。不過攞金卡真係快啲，我六點三攞飛，其他飛要等到八點幾先有得食。我叫咗個level 2，因為不嬲胃口都好細，試咗啲平嘢先。自助區有好多前菜，沙律， 除咗燒肉之外，可以平衡返，有啲蔬菜感覺健康啲。關東煮熱辣辣都幾好味，蘿蔔好冧，好清甜，又無渣。坐低咗冇耐，店員已經主動攞咗兩盤肉，可以即刻燒。 肉嘅質素唔錯，雖然唔係和牛，都已經好好味， 每種肉都有不同嘅調味。食完肉就可以食下甜品，雪糕有四款，北海道牛奶最好味，海鹽有啲怪，可能我食唔慣鹹味嘅雪糕。喺冰格攞咗個窩夫，佢係教攞去燒完再加雪糕食，真係好正。而家好先進，執枱係用機械人。執完機械人自動行過，都幾先進。