牛角Buffet (美麗華廣場1期)

喺門口(check in)已經要揀食邊個餐，睇住個餐牌，揀咗二個$168嘅半自助午餐。份肉就係4+2咁多， 諗住出面都會有啲肉，原來係我「自作多情」，出面有沙律，湯，甜品，炒飯白飯，冷盤，有啲蔬菜菇類同「腸仔」，等等⋯⋯所以如果一心想食燒肉，你就真係要選all u can eat. 呢個半自助就一定滿足唔到你同我。講返啲肉，以為「貴精不貴多」點知真係不敢恭維，又靭又無牛味，唔夠飽唔緊要，出面白飯任裝，而且又有紫菜之類俾你撈飯，咁一定包你飽。既然選擇唔多，整返碗湯試吓～入面啲肉好味過俾你燒果啲，真係意外驚喜⋯⋯咁都有可取之處，可以自制沙律任你撈，同埋午餐時分都無乜人（咁嘅價錢咁嘅食物～梗係啦），可以靜靜的享受午餐，同埋咖啡雪糕任食，不過記住得一小時😂。埋單連九折$330。回頭度：3/10唔係話佢唔扺食，而係啲嘢真係唔好食，真係俾大家食飽個肚，但又唔好有質素同要求？係咪咁？出面任攞嘅預制食物好鹹，飲品之類除咗茶全部都係勁甜，真係挑戰大家個腎臟同肝臟，再講成個場黑孖孖，出面每樣野都有「名牌」寫住係乜，但問題又細又黑點睇？同埋我想講點解唔俾客坐低㨂餐？又唔係大x樂同老麥！以上純粹個人食後分享，絶無收受任何利益同優惠，亦願意承擔所有責任。…查看更多

尖沙咀美麗華牛角Buffet 真係一試難忘，唔止食物高質，連環境都令人好舒服！🌟一入去就感覺到空間感十足，樓底超高，冇壓迫感，坐位之間唔會逼，啱晒同朋友聚餐或者情侶慢慢燒慢慢傾。最驚喜係完全冇油煙味，燒肉店做到咁乾淨真係唔容易，打卡都放心！美麗華牛角Buffet LV4真係燒肉迷天堂！A4和牛、黑毛和牛同日本國產牛，啲肉油花靚到好似雪花咁，燒完入口即溶，香味爆棚，好高質。每款牛肉都有唔同口感，由嫩滑到有嚼勁，全部都係高質之選。🐯 海鮮方面，鮑魚同虎蝦一定要試！大隻又鮮甜，燒完啖啖肉，唔使點醬都好味。仲有帆立貝、魷魚等，海鮮控都會食到停唔到口。另外仲有豬肉羊肉各款高質肉類任你order 。真係要留肚去食。 🍚 自助區都好精彩：有自製牛角飯、關東煮、各式熱盤如炸物、煮物，樣樣都整得有心機。甜品方面有蛋糕、布甸、仲有軟雪糕任你扭，食完燒肉嚟個冰凍甜品，完美收尾。🥗 飲品選擇多到眼花：汽水、果汁、茶、咖啡樣樣有齊，前菜同沙律都唔馬虎，有醃菜、海藻沙律，開胃一流。整體嚟講，LV4真係食盡牛角精華，無論你係牛肉控、海鮮迷、甜品怪都會滿足晒。想一次過試晒牛角所有精選，呢個套餐絕對係首選！🔥…查看更多

SS2 100分鐘 牛 豚 雞燒肉放題 60品好耐無食牛角 美麗華呢間牛角BUFFET樓底超高我揀呢個SS2套餐係半自助 $268/位自助區有飯、湯品類 沙律 小食頭盤 燒蔬菜 關東煮飲品自助機 雪糕機 甜品等主食肉類同一款基本上都有燒肉汁 塩醬 炭燒醬 原味幾個唔同口味我食咗幾款肉 牛五花 肩脊肉 牛漢堡 雞翼 雞腿肉 雞胗 雞軟骨等蔬菜金菇 雜菇 粟米 洗得乾淨 新鮮當然更貴嘅PLAN嘅食物一定會更多款式同更優質 不過志在享受過程 呢個PLAN都好夠食啦 …查看更多

放假前就係想食好D~😍牛角buffet一直以高質素放題出名今次嚟試假日 SS2 牛、豚、雞燒肉放題依然覺得物超所值自助區、烤物、甜品全部都非常豐富而且每樣都見得到餐廳嘅用心🤩.自助區係整個用餐體驗嘅亮點之一最吸引嘅一定係可以 DIY 牛角紫菜飯無限任裝紫菜碎、飯同特製醬汁味道真係好邪惡又好滿足🥳完全停唔到口.熟食區仲有好多選擇，包括關東煮、肉丸、炒飯款式勁多!🥰🥰.至於燒肉本體，牛角依然保持水準😎每一款牛肉油脂分佈都好靚，入口即溶烤完香氣爆發，好容易令人不小心狂食原味牛已經好好食，而各款醬汁醃料亦都十分入味🙂‍↕️例如炭燒醬、塩醬、燒肉汁，各有特色特別推介 一口牛唔同部位食落口感層次分明另外仲有 自家製牛肉漢堡炭火一烤，肉汁同香味全面提升🥹配菜方面，牛油金菇、牛油粟米都係必點.甜品區都令人好驚喜除咗蛋糕同甜點之外最過癮嘅係自助雪糕機🤣可以自己拉出一杯雪糕想點整都由自己決定，玩味十足.飲品區則主打果汁，而且全部任飲😍巨峰提子、菠蘿、雪梨、蘋果、橙汁味道清爽，烤肉之間飲番一杯就好解膩.其實假日 $298 而言，真係好抵食難怪每次去都要排長龍🙌🏻…查看更多

$268牛角放題食到嘔？今日我和家人食性價比高牛角放題。牛五花油脂分布平均，燒到微微焦香最正，肩脊肉肉質軟嫩，唔使點醬都好夠味，網燒一口牛好煙韌。內臟處理得乾淨，配燒肉醬超惹味、海鮮有魚柳和多春魚。🍚主食驚喜位encore 牛角飯溫泉蛋撈勻，配燒肉食無得頂。🍢關東煮+炸物小點 咖喱角脆卜卜，蟹鉗真係有蟹肉🦀 薯餅外脆內軟，細細件唔怕飽滯。🥗前菜飲品多到眼花，中華沙律+芝麻八爪魚超開胃，泡菜同燒肉係絕配！果汁汽水任斟 仲有唔同口味乳酪雪糕。🍰甜品控注意！ 銅鑼燒紅豆餡飽滿，馬卡龍外脆內軟 朱古力大福糯米皮超Q ，慕絲蛋糕滑溜溜。…查看更多