喺門口(check in)已經要揀食邊個餐，睇住個餐牌，揀咗二個$168嘅半自助午餐。份肉就係4+2咁多， 諗住出面都會有啲肉，原來係我「自作多情」，出面有沙律，湯，甜品，炒飯白飯，冷盤，有啲蔬菜菇類同「腸仔」，等等⋯⋯所以如果一心想食燒肉，你就真係要選all u can eat. 呢個半自助就一定滿足唔到你同我。講返啲肉，以為「貴精不貴多」點知真係不敢恭維，又靭又無牛味，唔夠飽唔緊要，出面白飯任裝，而且又有紫菜之類俾你撈飯，咁一定包你飽。既然選擇唔多，整返碗湯試吓～入面啲肉好味過俾你燒果啲，真係意外驚喜⋯⋯咁都有可取之處，可以自制沙律任你撈，同埋午餐時分都無乜人（咁嘅價錢咁嘅食物～梗係啦），可以靜靜的享受午餐，同埋咖啡雪糕任食，不過記住得一小時😂。埋單連九折$330。回頭度：3/10唔係話佢唔扺食，而係啲嘢真係唔好食，真係俾大家食飽個肚，但又唔好有質素同要求？係咪咁？出面任攞嘅預制食物好鹹，飲品之類除咗茶全部都係勁甜，真係挑戰大家個腎臟同肝臟，再講成個場黑孖孖，出面每樣野都有「名牌」寫住係乜，但問題又細又黑點睇？同埋我想講點解唔俾客坐低㨂餐？又唔係大x樂同老麥！以上純粹個人食後分享，絶無收受任何利益同優惠，亦願意承擔所有責任。…Read More
SS2 牛豚雞燒肉放題，二百幾蚊就可以食到60款唔同嘅食物，豬牛雞都有多款部位同埋調味可以選擇，雞方面除左有雞腿肉、雞翼可以食到，仲有雞軟骨、雞肝等可以選擇，雞腿肉大大塊而且肉質嫩滑！牛方面有牛五花、牛舌、牛漢堡等！另外亦有多款蔬菜，粟米、菇菌等，粟米同菇菌都好清甜！
