影片
更多
2025-03-31
274 瀏覽
《蠔站 - 荃灣》十蚊一隻生蠔🦪應該都算平絕全港啦掛🥴每次當想食生蠔嘅時候，第一時間都會諗起呢一間餐廳🥰呢度係唯一一個地方我可以唔使睇價錢任叫生蠔😌一人食一打都係$120炸咼😆不過除咗生蠔抵食之外，其實佢其他嘅菜式都做得好出色💪🏻今次同個舊同事慶祝生日，我哋仲叫咗牛扒同埋一啲小食，最後仲叫咗一個意大利飯一齊share🥰飽到上心口💁🏻♀️法國生蠔一打 $120要留意返，佢平時$10嘅生蠔成日都會轉唔同品種，今次係法國嘅生蠔，食落海水味重而且肉質夠脆身💪🏻食得多都唔會膩💁🏻♀️啤酒味薯條 $68朋友係薯條怪魔，薯條外皮超脆而裏面帶有黏黏嘅薯蓉口感，放耐咗都仲係好脆卜卜，點茄汁同埋沙律醬酸酸甜甜好好味💁🏻♀️大啡菇配黑松露菌飯 $148佢呢度嘅意大利飯個飯粒口感係半生熟嘅感覺，鍾意食菇菌嘅人應該會幾喜歡呢個咁濃郁菇菇味既白汁意大利飯，入面仲加咗洋蔥等爽口嘅食材，上面放咗一嚿大啡菇，就算食晒成個都唔會太膩💁🏻♀️美國頂級肉眼扒 $488雖然佢係美國牛，但係肉味十分濃郁，叫五成熟剛剛好唔會韌，拌菜有小紅蘿蔔、脆蓮藕片、西蘭花同埋畫龍點睛嘅紫薯薯蓉😍我想講個薯蓉勁香牛油味勁Creamy😋雖然好邪惡
十蚊一隻生蠔🦪應該都算平絕全港啦掛🥴每次當想食生蠔嘅時候，第一時間都會諗起呢一間餐廳🥰呢度係唯一一個地方我可以唔使睇價錢任叫生蠔😌一人食一打都係$120炸咼😆不過除咗生蠔抵食之外，其實佢其他嘅菜式都做得好出色💪🏻今次同個舊同事慶祝生日，我哋仲叫咗牛扒同埋一啲小食，最後仲叫咗一個意大利飯一齊share🥰飽到上心口
💁🏻♀️法國生蠔一打 $120
要留意返，佢平時$10嘅生蠔成日都會轉唔同品種，今次係法國嘅生蠔，食落海水味重而且肉質夠脆身💪🏻食得多都唔會膩💁🏻♀️啤酒味薯條 $68
朋友係薯條怪魔，薯條外皮超脆而裏面帶有黏黏嘅薯蓉口感，放耐咗都仲係好脆卜卜，點茄汁同埋沙律醬酸酸甜甜好好味
💁🏻♀️大啡菇配黑松露菌飯 $148
佢呢度嘅意大利飯個飯粒口感係半生熟嘅感覺，鍾意食菇菌嘅人應該會幾喜歡呢個咁濃郁菇菇味既白汁意大利飯，入面仲加咗洋蔥等爽口嘅食材，上面放咗一嚿大啡菇，就算食晒成個都唔會太膩
💁🏻♀️美國頂級肉眼扒 $488
雖然佢係美國牛，但係肉味十分濃郁，叫五成熟剛剛好唔會韌，拌菜有小紅蘿蔔、脆蓮藕片、西蘭花同埋畫龍點睛嘅紫薯薯蓉😍我想講個薯蓉勁香牛油味勁Creamy😋雖然好邪惡，但真係幾好食， 一塊扒夠晒兩個人食
💁🏻♀️白桃乳酸梳打 $48
唔飲酒精嘅，你可以叫返杯乳酸梳打解油膩，非常適合夏天飲用，酸酸甜甜又有氣，超開胃
💁🏻♀️House White Wine $68
計我話食生蠔當然要配白酒，佢呢度一杯嘅白酒都唔貴，食返幾件生蠔配埋白酒當一餐就已經好滿足啦
張貼
