火鍋煮場 (已結業)

今晚黎呢間位於深水埗的火鍋店打邊爐，火鍋料新鮮，不過最抵就係德國啤$10一支，打邊爐點可以無啤酒嘅呢？我地雖然只有你和我兩兜友，少少地飲咗6支都算係咁啦。除咗啤酒之外，我地一開波先叫咗炸雲吞同蜆芥鯪魚球餸吓啤酒，兩樣都幾好食，我自己就鍾意個炸雲吞多D。湯底叫咗好普通嘅皮蛋芫茜所以無特別影。牛肉方面我地就揀咗安格斯牛小排，質素幾好，一D都唔韌。呢碟獅頭鵝腸堅正，有D人可能會嫌佢好肥，不過獅頭鵝腸最精彩嘅部份就係呢D鵝油，甘香到呢，如果怕肥就食出面嗰D橡筋鵝腸唔好食獅頭鵝腸。最後點多份脆肉鯇魚片，都幾新鮮，爽口好味道。