影片
更多
2023-08-04
104 瀏覽
絕對係沙田區最高質素嘅日本餐廳！已經多次造訪，由最初食lunch發現佢哋處理魚生手勢好好，食材質素中上，侍應招呼亦係高級餐廳水準，已經有好好嘅印象。四月時同同樣鍾意食日本菜嘅屋企人選擇呢度，第一次食晚餐，再發現食物整體水準都非常高，服務細心週到。記得當晚係一位女侍應，佢對酒以及食材都好熟悉，我哋問好多問題都耐心地逐一應對，當晚即使餐廳好旺，侍應們仍然照顧週到，讓我們能夠儘情傾計和享受美食。此後一有飯聚我都介紹朋友一起來，朋友更說這裡服務比5星級酒店更勝一籌！食物方面，居酒屋形式嘅料理，大推原條鮮魚三食，金目雕半刺身半火炙，刺身鮮甜，火炙則帶出魚嘅油香，味覺大滿足！脆炸魚頭魚骨作助酒小食，一流，我哋仲嫌條魚太少骨，真係唔夠喉😂再嚟就係串燒，燒鳥燒牛燒野菜，由調味到燒嘅熟度都完全處理得非常好無得彈，要推介嘅太多：我最愛嘅牛舌，每次食都咁prefect！海鰻非常好味，選料好，皮燒到香脆而魚肉本身嘅水份又不會燒到乾哂仲仍然食到啖啖魚油，應該唔係咁容易吧！全賴師傅功夫了得，用心煮才有這種質素！其他還有燒雞翼，yummy😋免治雞肉捧超正，我趁其他人忙住飲酒嘅時候一個人食哂一支，沾上蛋嘅雞肉捧一流，
已經多次造訪，由最初食lunch發現佢哋處理魚生手勢好好，食材質素中上，侍應招呼亦係高級餐廳水準，已經有好好嘅印象。四月時同同樣鍾意食日本菜嘅屋企人選擇呢度，第一次食晚餐，再發現食物整體水準都非常高，服務細心週到。記得當晚係一位女侍應，佢對酒以及食材都好熟悉，我哋問好多問題都耐心地逐一應對，當晚即使餐廳好旺，侍應們仍然照顧週到，讓我們能夠儘情傾計和享受美食。此後一有飯聚我都介紹朋友一起來，朋友更說這裡服務比5星級酒店更勝一籌！
食物方面，居酒屋形式嘅料理，大推原條鮮魚三食，金目雕半刺身半火炙，刺身鮮甜，火炙則帶出魚嘅油香，味覺大滿足！脆炸魚頭魚骨作助酒小食，一流，我哋仲嫌條魚太少骨，真係唔夠喉😂
再嚟就係串燒，燒鳥燒牛燒野菜，由調味到燒嘅熟度都完全處理得非常好無得彈，要推介嘅太多：我最愛嘅牛舌，每次食都咁prefect！海鰻非常好味，選料好，皮燒到香脆而魚肉本身嘅水份又不會燒到乾哂仲仍然食到啖啖魚油，應該唔係咁容易吧！全賴師傅功夫了得，用心煮才有這種質素！其他還有燒雞翼，yummy😋免治雞肉捧超正，我趁其他人忙住飲酒嘅時候一個人食哂一支，沾上蛋嘅雞肉捧一流，忘了問經理小姐係用咩蛋，深橙色嘅蛋皇加少少醬油，那種香味加埋雞捧，真係好回味，宜家一路寫一路吞口水🤤
好嘅食物梗係要配好嘅酒啦，佢哋wine list嘅清酒唔係大路，係由店家嚴選，甚至有與酒廠合作嘅自家清酒，我覺得都同食物好夾，試過幾款都非常啱口味，近兩個月仲要有$88任飲清酒啤酒90分鐘，絕對能盡興
張貼