餃掂手工餃子雲吞專門店

喺西環嗰頭放咗工，同同事搵吓呢頭附近有咩好嘢食，朋友好鍾意食餃子，上網見到呢間餃子好特別，有普通韭菜，白菜餃子，仲有松茸餃，絕對係高級版嘅餃子🥟，就一於過嚟試吓地點好方便就腳，堅尼地城B出口，行3分鐘就搵到，餐廳裝修得好光猛，以4人座為主，唔會坐得好迫✨龍鳳松茸雙湯餃（8只）$92今日叫咗佢哋最特色嘅黑白松露水餃🥟，平日已經好鍾意食黑松露嘅食物，一上枱松茸味已經好香，餃子皮相當薄，一啖咬落去，豬肉嘅肉汁流晒出嚟，豬肉相當新鮮，有咬口，松茸嘅份量十足，叫湯餃嘅好處，仲會跟一碗狀元九鼎湯，係粉葛，扁豆，赤小豆🫘，鯪魚，鯽魚煲成，湯底奶白色，飲落魚味好鮮甜✨壽喜燒牛肉煎餃（7只）$58煎到兩面金黃，外脆內軟，牛肉味濃，肉汁juicy，食到淡淡甜豉油香味，裏面仲加咗粉葛，食落索索聲，有兩重口感✨香煎軟心芝士餃（7只）$57芝士係我嘅至愛，放入餃子度出奇咁夾，一啖咬落去芝士爆曬出嚟，非常足料，用咗比較濃味嘅芝士，但唔會蓋咗豬肉嘅鮮味，裏面仲有粒粒粟米🌽，鍾意食芝士嘅人必點✨黃金原味皮蛋 $28出邊好少見，黃金顏色嘅皮蛋，聽職員講係用鴨蛋整，口感咁彈牙，就算唔食得辣都可以叫✨豆漿$15豆味好香濃，