影片
更多
6天前
0 瀏覽
屯門Hotel Cozi裡面有間餐廳叫The Platter, 呢期平日晚市做緊龍蝦松露•半自助晚餐，一向喜歡食海鮮嘅我地，又點會唔試下呢？酒店係屯門站附近，行去都唔洗五分鐘，餐廳門口有隻大企鵝公仔迎接我地，餐廳以火車主題，入餐廳要經過鐵路入閘機，裡面部分座位仲係火車卡座，背景仲播著悠揚嘅音樂，真係令人非常放鬆。話明係半自助晚餐，就梗係包一個主菜，然之後其他食物出去攞啦，主菜有6個選擇，牛、羊、魚、豬、海鮮、意大利粉咩都有，既然今次係龍蝦松露主題，咁就叫龍蝦同埋天使麵啦。等候主菜期間就出去睇下有咩食先。是日餐湯是日餐湯有龍蝦湯同青紅蘿蔔豬骨湯，龍蝦湯好creamy，龍蝦味好香濃，好開胃！海鮮海鮮有蝦、藍青口、翡翠螺同蜆，款式都算多，大隻得黎肉質亦好鮮甜，唔需要點醬汁都已經好好味！沙律有好多唔同種類嘅沙律，好似燒牛肉黑松露意大利粉沙律、凱撒雞絲沙律同瑞士薯仔沙律，除此之外仲有各式各樣嘅凍肉同芝士。原隻新鮮波士頓龍蝦米多龍蝦米多又叫法式焗龍蝦，係種法國菜式，將龍蝦開邊，面頭放芝士同干邑整嘅醬汁攞去焗。呢份原隻新鮮波士頓龍蝦米多上菜時真係令我地哇一聲，係半自助餐黎講呢個主菜都算大份，龍蝦肉質
酒店係屯門站附近，行去都唔洗五分鐘，餐廳門口有隻大企鵝公仔迎接我地，餐廳以火車主題，入餐廳要經過鐵路入閘機，裡面部分座位仲係火車卡座，背景仲播著悠揚嘅音樂，真係令人非常放鬆。話明係半自助晚餐，就梗係包一個主菜，然之後其他食物出去攞啦，主菜有6個選擇，牛、羊、魚、豬、海鮮、意大利粉咩都有，既然今次係龍蝦松露主題，咁就叫龍蝦同埋天使麵啦。
等候主菜期間就出去睇下有咩食先。
是日餐湯
是日餐湯有龍蝦湯同青紅蘿蔔豬骨湯，龍蝦湯好creamy，龍蝦味好香濃，好開胃！
海鮮
海鮮有蝦、藍青口、翡翠螺同蜆，款式都算多，大隻得黎肉質亦好鮮甜，唔需要點醬汁都已經好好味！
沙律有好多唔同種類嘅沙律，好似燒牛肉黑松露意大利粉沙律、凱撒雞絲沙律同瑞士薯仔沙律，除此之外仲有各式各樣嘅凍肉同芝士。
原隻新鮮波士頓龍蝦米多龍蝦米多又叫法式焗龍蝦，係種法國菜式，將龍蝦開邊，面頭放芝士同干邑整嘅醬汁攞去焗。呢份原隻新鮮波士頓龍蝦米多上菜時真係令我地哇一聲，係半自助餐黎講呢個主菜都算大份，龍蝦肉質好彈牙，入口相當鮮甜，伴碟配菜都好多，真係好好味！
蟹肉天使麵配香煎鮑魚及鮮蕃茄汁除咗龍蝦之外，我哋仲嗌咗個蟹肉天使麵配香煎鮑魚及鮮蕃茄汁。個天使麵茄味香濃，非常掛汁，配埋蟹肉同鮑魚一齊食，真係好正！
甜品
呢度嘅甜品除左雪榚之外全部都係酒店自家製，個人最推薦係蘋果金寶同窩夫，大家記得留肚食啊！
透過大窗戶仲可以望到 COZi Starry 星悅的打卡區域，有月亮和繁星燈飾佈置，食完飯之後可以帶小朋友出去放下電消化下，影下相打下卡！
張貼
