勝香園

營業中

休息中

我好鍾意食香港地道餐廳/大排當，有一份香港地道傳統和情懷。勝香園之前聽過很多次，但一直都沒有機會吃，今日約咗朋友去參觀大館，自然要襯呢個機會嚟朝聖一下。11點來到，天氣都幾熱，但已經都有唔少人喺度排緊隊，我地等咗大約15分鐘左右後可以入座。叫咗個番茄鮮牛肉腸仔蛋麵，同埋一杯凍奶茶。一上枱，見到成碗紅色其實都幾震撼，番茄湯加蕃茄蓉，識落唔太酸，非常開胃，比起我之前喺其他餐廳食嘅茄牛面麵有啲唔同，絕對係誠意同實力之作。牛肉幾鮮嫩，唔會好多筋，亦都唔會煮得太老太鞋，整體配合同口感非常之好，份量亦適中，再加上一杯凍奶茶已經俾咗我一天美好的開始雖然好熱，但好鍾意呢種食大排當的情懷。希望香港能繼續可以容納呢種特色同文化，保持香港那碩果僅存的傳統和味道。