影片
更多
2025-03-03
1410 瀏覽
以下係本人確切真實嘅感受，開頭直接用WhatsApp book位，因為OpenRice未有優惠。直到3月1號OpenRice釋出優惠，就WhatsApp通知佢覆蓋返原本個booking。而喺我send呢個WhatsApp之前，已經同咗佢講生日畫盤的名。結果係可以完全唔覆，喺我打去順便同佢講Booking嘅問題，個店員串串地話我哋已經睇到㗎啦，睇都要覆返客人機唔係正常的嗎？去到落order，個侍應居然問我哋生日甜品要寫咩名，說好的睇到生日名？服務一般，咁寄望落去啲嘢食到啦。點知「全部」冇味，全餐最好食就係個黑松露薯蓉伴碟。👎🏽鴨髀肉係嫩，但連鴨皮都冇味係咩玩法？👎🏽炒菇毫無牛油味，單純一個油炒菇。👎🏽黑松露薯條嘅松露醬簡直不堪入目，同一般沙律醬冇分別，完全冇黑松露味，大家可以望吓圖片入邊嘅醬係白色。薯條佢哋新鮮炸，但係都可以係軟嘅，明顯炸完急急腳要倒落個兜度。👎🏽龍蝦汁意粉上面嘅蝦肉質十分粗糙，意粉嘅質感同普通屋企烚嘅一樣，整個意粉係完全同龍蝦汁三隻字冇掛鉤。👎🏽見個烤雞賣相唔錯，終於心諗應該好食啦啩？結果都係一樣，個皮會有少少醃料味，中間嘅雞肉都係冇雞味，亦都有啲粗糙。餐廳嘅收費話平又
👎🏽鴨髀肉係嫩，但連鴨皮都冇味係咩玩法？
👎🏽炒菇毫無牛油味，單純一個油炒菇。
👎🏽黑松露薯條嘅松露醬簡直不堪入目，同一般沙律醬冇分別，完全冇黑松露味，大家可以望吓圖片入邊嘅醬係白色。薯條佢哋新鮮炸，但係都可以係軟嘅，明顯炸完急急腳要倒落個兜度。
👎🏽龍蝦汁意粉上面嘅蝦肉質十分粗糙，意粉嘅質感同普通屋企烚嘅一樣，整個意粉係完全同龍蝦汁三隻字冇掛鉤。
👎🏽見個烤雞賣相唔錯，終於心諗應該好食啦啩？結果都係一樣，個皮會有少少醃料味，中間嘅雞肉都係冇雞味，亦都有啲粗糙。
餐廳嘅收費話平又唔平，貴又唔算好貴，但係呢啲質素嘅嘢完全唔值得收取呢個價錢。環境係幾好嘅，但係食物質素差都冇用，希望餐廳可以改善下呢個問題，真係好彩冇一次過叫晒想叫嘅野。好日都唔會寫食評，但係呢間太過分了吧。
張貼
