The Platter (悦品天秀酒店‧元朗) (已結業)

生日唔想去太遠，諗住近近哋去附近酒店食自助餐，見呢間新開的悅品酒店嘅The Platter 嘉湖住客有8折一於去試下啦！ 進入店內環境都算整潔舒適。用餐前出去走了一圈，食物種類不多，外觀還可以；但開始用餐後，就知中伏了。長腳蟹腳都幾大隻，但食落淡而無味，真的一點蟹味及海水味都無；海鮮炒飯的部份帶子是生的味道一般，燉湯都可以，燒味類還可以， 燒牛肉及燒豬脾尚可；侍應不停推介我哋出去取燒烤食品，諗住應該唔錯啦！點知出到去一看，原來只得3款燒物，有燒蝦、燒蠔及燒秋刀魚，燒物淡而無味又不新鮮，不吃也罷； 甜品蛋糕都係一般。唯一最讚的就是Haagen-Dazs雪糕起碼有7款味道可以選擇，所以我一個人都食咗5杯😁。