南亭 (士丹頓街) (已結業)

第二次嚟食野，上一次覺得麻麻地，密友話我唔識嗌，嗌埋啲野唔夠特色，今次就俾佢發板😆一坐低就會擺低一杯仔菜，有椰菜、青瓜、西芹同甘荀，點個醬係幾好食。先嚟個鱈魚乾，好香，脆卜卜嘅，完全係平時食唔停口嘅零食😛露荀豬肉卷，必嗌！豬肉好薄好薄，燒出嚟嗰種油香好吸引，露荀亦好爽脆冇渣，正！雞皮紫蘇蝦卷，夠哂特色，雞皮唔會好肥膩，因為燒嘅時候已經迫哂啲油出嚟，剩返一層薄脆雞皮，包住紫蘇葉，再包住隻蝦，成個組合口感好豐富，隻蝦都好好肉好爽口，唔錯。安格斯牛肉，上面仲會有一粒仔牛油，其實我覺得唔落都ok，落左香少少咁解。肉質當然係非常正，咬開裡面仲係粉紅色，火候要掌握得好好👍🏻牛小排雞髀菇，呢個就一般喇，雞髀菇燒出嚟好juicy但唔係好吸味，就算牛小排包住左都食唔出個菇有咩特別，兩樣野個texture夾埋唔係太有驚喜。辣魷魚，唔知點解我覺得個辣醬好有韓國feel，唔會靭但只係普普通通。比起上一次嚟食，今次又確實係好食啲😛上次嗌茄子同粟米完全冇特色，燒帶子得個大字但唔好食嘅🙊爭啲想俾負評，好彩密友話要食多次，兩次經驗拉返勻就俾個ok啦👌🏻