影片
更多
2020-06-07
500 瀏覽
約左兩位長輩，諗住同佢地飲茶，要揀喺觀塘區，所以又上網睇左介紹，來到呢間豪隍點心工房。早上打電話想book 位12點，但對方表示最快要1點。來到拎飛等位，老實講，門口位呢d天氣真係熱，不過都有幾張椅子放左係到，長輩叫做有得坐下。等左大約半個中，中間遲過我地嘅好多2位枱就入哂去啦，我地4人枱就仲未有位，專登入去睇過，真係好幾張4人枱都擺左留座，但又一直未有人坐，開過聲問職員幾時有位佢，回應係：有人走就有位架啦（問題係，我見到好多人走都未到我地）好啦，最終大約等左40分鐘，有一個走廊位，我地都照坐。目測有2張較好既4人枱郁仍然擺留座牌，但未有人坐，我都唔想問，究竟d人book 左幾點食野時間，我地4個人，最後叫左8個點心（唔記得左影menu，所以唔記得價錢）鵝肝醬咸水角見到係有特別推介。因為第一個到既點心，最餓，只係得返一粒比我影食落鵝肝醬味道淡淡的，都叫有既，但唔係好濃，不過咸水角來講都算好食，脆既！菜遠排骨炒河呢個色水足夠，聞落都好惹味。食落味道唔差，不過感覺比較油，長輩覺得有用豬油炒，我都唔識分啦。味道的確吸引既，我都食左兩碗，但感覺好肥蝦餃粉果雙併菜苗餃因為上網推介呢到點心好大粒，
來到拎飛等位，老實講，門口位呢d天氣真係熱，不過都有幾張椅子放左係到，長輩叫做有得坐下。
等左大約半個中，中間遲過我地嘅好多2位枱就入哂去啦，我地4人枱就仲未有位，專登入去睇過，真係好幾張4人枱都擺左留座，但又一直未有人坐，開過聲問職員幾時有位佢，回應係：有人走就有位架啦（問題係，我見到好多人走都未到我地）
好啦，最終大約等左40分鐘，有一個走廊位，我地都照坐。目測有2張較好既4人枱郁仍然擺留座牌，但未有人坐，我都唔想問，究竟d人book 左幾點
食野時間，我地4個人，最後叫左8個點心
（唔記得左影menu，所以唔記得價錢）
鵝肝醬咸水角
28 瀏覽
0 讚好
0 留言
鵝肝醬咸水角
見到係有特別推介。因為第一個到既點心，最餓，只係得返一粒比我影
食落鵝肝醬味道淡淡的，都叫有既，但唔係好濃，不過咸水角來講都算好食，脆既！
菜遠排骨炒河
22 瀏覽
0 讚好
0 留言
菜遠排骨炒河
呢個色水足夠，聞落都好惹味。食落味道唔差，不過感覺比較油，長輩覺得有用豬油炒，我都唔識分啦。味道的確吸引既，我都食左兩碗，但感覺好肥
蝦餃粉果雙併
6 瀏覽
0 讚好
0 留言
蝦餃粉果雙併
菜苗餃
9 瀏覽
0 讚好
0 留言
菜苗餃
因為上網推介呢到點心好大粒，真心見到個下都覺得超級大粒 係好開心
餃既餡呢，味道正常，同出面感覺差不多。唯一係個皮略嫌少厚。價錢來講都算抵食
蒜蓉芝士蝦條
16 瀏覽
0 讚好
0 留言
蒜蓉芝士蝦條
呢個出面都見唔少，不過長輩未食過，佢地話似長形春巻 味道食完，正常啦都係 蒜蓉味道唔算好多，芝士有，都睇到，但味道亦唔係好濃味，我一般濃味芝士，所以覺得ok，細佬就覺得唔ok
腸粉
7 瀏覽
0 讚好
0 留言
最後係腸粉，因為分開叫唔記得左，所以最後其實食左2碟腸粉，其中一碟都無影相。最重要comment 係，同d餃一樣，粉皮略嫌少厚餡係好食既其中一個好似係齋菇另一個又係推介，脆炸蘿蔔餡個個我覺得推介個個一般，味道唔算好夾，有少燶味，唔知係咪咁岩呢個炸燶左，畀你上網睇講到好好食
好啦，忍唔住寫食評係因為，網上似乎大多正評，食完之後我又感覺無去到咁高分。
點心真係大粒抵食，賣相都好靚
4個人埋單$260，價錢來講都ok
留意返只收現金
餐廳環境：老實講，有好多位都應該幾好坐，不過佢安排左我地坐走廊位就真係好逼，後面就已經係水吧位出餐位
食物味道：屬中傭，唔係唔好食，但又唔係好食到wow 出來
職員態度：整體上服務層面唔多，可能佢地真係好忙，排隊個陣更加無服務可而，入座之後都係落單上菜，一下子之後就行開
張貼
