盈暉海鮮酒家 (已結業)

點心癮起，去返間穩穩陣陣既飲啖茶食個飽。盈暉大約半年前開始幫襯佢，尋日食完覺得比之前既質素還進步了不少!!中午時段，座位幾乎全滿，大部份都係寫字樓人士。我同朋友兩個人，叫左8樣野。燒腩仔－皮薄脆，肥瘦適中，好食!炸兩－ok，如果熱d會更好食!沙嗲金錢肚－好食!!蝦餃－超大粒，蝦肉爽口新鮮，讚!鳳爪－好食!!魚翅餃－個皮爭少少，不過都算唔錯!雞包仔－包既味道係細個食到個種，正!咸水角－有種外脆內軟既感覺，正!至於茶，我飲開普洱，而呢度既普洱就真係唔多掂喇，茶係好深色，不過係冇味既。。。不過野食好味已經好難得，唔好要求咁多喇 真心希望呢間酒樓可以keep到食物水準!