客家好棧 (大本型)

營業中

休息中

今日中午去飲茶，特價點心：牛肉拼鯪魚球，仲差過公仔點心。鮑片鴨掌，得一片鮑片仲要跌出碟响蒸籠內，鴨掌超細得兩隻。雜菌綿花肚，見到都唔想食。特點燒賣皇，同普通燒賣無分別，size又細，羅漢齋炒麵，齋同麵分開上，麵完全不能分開夾起，成塊炸脆麵餅，齋啲芡汁不夠熱似漿糊。櫻花蝦炸兩，油炸鬼唔脆，櫻花蝦只有面頭幾粒。酒樓標名點心即叫即蒸，但全部都唔夠熱。一行五人，每人$50，食唔飽。酒樓對外景觀開揚，但隔音極差，同朋友傾談要叫破喉嚨至聽到，以咁既質素不算平。