我愛慢煮 (孖沙街) (已結業)

星期日上午去完動漫展 打算去上環食lunch本身已有目標去西式Cafe食 貪佢可以坐下 點知上OpenRice一睇原來逢星期日休息 之後立即轉場 喺OpenRice睇到一間Cafe有啊好多好食emoji 諗住係同一類型嘅餐廳就去試吓啦而且仲多like本身我哋去緊嗰間 諗住塞翁失馬焉知非福 點知原來去左搭直升機🚁伏伏伏伏伏伏嘅地方唔係難食 味道還可以  但份量真係少得驚人  叫咗兩個主菜  美式醬汁豬腩肉同埋法式油浸鴨髀 另外加咗side dish 卡真蝦同牛油煎帶子 點知食物嚟到就真係得個主菜同埋幾粒side dish  完全冇其他配菜  如果唔係我哋自己加咗蝦同埋帶子  個碟上面就真係剩係得隻鴨髀同埋舊豬腩肉 連少少薯菜或者沙律都冇 連同行超細食女友都唔夠飽 真係不得了 我哋兩個埋咗單之後 仲要去附近一人食一碗細蓉先至夠飽我倆口味 認為豬腩肉慢煮完可以拎去煎香甚或將豬皮燒脆會更好 鴨髀亦可整得更香