李圓圓 (寶安大廈) (已結業)

今日去花園街，見到李圓圓，所以入去買兩杯台灣飲品試下，因為聽朋友講佢哋嘅黑糖係由優質嘅甘蔗提煉而成，再經過獨特古法熬煮2小時嘅工序，所以特別有風味，炭香濃厚。Order咗一杯黑糖珍珠鮮奶2.0， 超濃奶味甜度就啱啱好，而且飲起黎好順滑，最緊要啲珍珠吸曬黑糖嘅味同埋精華，超甜超qq， 另一杯叫咗黑糖珍珠冬瓜檸檬，珍珠就唔再講啦，一樣超有水準，冬瓜茶加檸檬原來個味都好夾，甜甜酸酸飲起上嚟超開胃，如果食飽咗飲呢個我會覺得最啱。