影片
更多
2023-06-12
917 瀏覽
餐廳：黑目 (銅鑼灣)地址：銅鑼灣信德街18號地舖銅鑼灣呢間黑目喺一間主打朝啡晚酒嘅西日式fusion Cafe🍽，夜晚主打串燒同Shabu Shabu，嚟緊8月就踏入2週年喇🎊 「初心忘るべからず」，老闆堅持住保持食物水準嘅原則，搵日本供應商提供各種原材料，不惜成本提高食物質素，例如用日本米去整Risotto(Jasotto)、嚟自日本關西嘅汁燒秘方，加上呢區比較少擁有咁多元素嘅Cafe，啱晒唔鍾意單調、同一間餐廳可以食到多款菜式嘅香港人😎老闆專登搵人手繪牆上帶有Gallery風格嘅塗鴉🎨，配合柔和嘅燈光、為餐廳度身訂造嘅特色餐枱(枱嘅中間糅合咗黑石嘅設計)，成間餐廳充滿咗日系藝術氣息🇯🇵；老闆仲希望比香港年青人一個機會，教佢地點樣營商、管理餐廳嘅運作、保持服務同食物水準，希望他朝一日佢哋可以喺餐廳發揮所長，甚至搵到自己嘅人生方向🤩✝️日本鍋——日本A3和牛 $480先叫咗呢個和牛Shabu Shabu二人前，重點當然喺150g嘅日本A3和牛🐮，脂肪比例均勻，入口未到即溶境界，但肉質柔軟綿綿，細嫩得嚟有濃濃牛羶香，當中仲有日本油揚、南瓜片、京蔥段、旺菜、鮮冬菇同本菇🍄，配上佢哋無味精嘅
地址：銅鑼灣信德街18號地舖
銅鑼灣呢間黑目喺一間主打朝啡晚酒嘅西日式fusion Cafe🍽，夜晚主打串燒同Shabu Shabu，嚟緊8月就踏入2週年喇🎊
「初心忘るべからず」，老闆堅持住保持食物水準嘅原則，搵日本供應商提供各種原材料，不惜成本提高食物質素，例如用日本米去整Risotto(Jasotto)、嚟自日本關西嘅汁燒秘方，加上呢區比較少擁有咁多元素嘅Cafe，啱晒唔鍾意單調、同一間餐廳可以食到多款菜式嘅香港人😎
老闆專登搵人手繪牆上帶有Gallery風格嘅塗鴉🎨，配合柔和嘅燈光、為餐廳度身訂造嘅特色餐枱(枱嘅中間糅合咗黑石嘅設計)，成間餐廳充滿咗日系藝術氣息🇯🇵；
老闆仲希望比香港年青人一個機會，教佢地點樣營商、管理餐廳嘅運作、保持服務同食物水準，希望他朝一日佢哋可以喺餐廳發揮所長，甚至搵到自己嘅人生方向🤩
✝️日本鍋——日本A3和牛 $480
先叫咗呢個和牛Shabu Shabu二人前，
重點當然喺150g嘅日本A3和牛🐮，脂肪比例均勻，入口未到即溶境界，但肉質柔軟綿綿，細嫩得嚟有濃濃牛羶香，當中仲有日本油揚、南瓜片、京蔥段、旺菜、鮮冬菇同本菇🍄，配上佢哋無味精嘅日本高湯——木魚花湯底，清甜帶有鮮香，飲落一啲都唔鹹，連埋和牛融和咗入湯底嘅精華一齊飲真喺無得彈😙✝️二人前晚飯——串燒盛合 $668
餐廳有兩個二人餐可以揀，呢個以海鮮同招牌串燒為主打嘅套餐就非試不可👏。
先嚟嘅喺酒煮卜卜蜆櫻花蝦湯，入面有成10隻8隻蜆，加上櫻花蝦去熬煮，鮮甜入味又足料👍。
再嚟嘅喺有日本泡菜、海帶芽同牛蒡醬油漬嘅漬物盒，食完即刻開胃晒😆。
海鮮方面就有燒虎蝦(2隻)、白酒青口(6隻)、味噌蟹膏甲羅燒(1個)同燒西京銀鱈魚塊(1件)，
銀鱈魚燒得啱啱好，皮香微脆，掃上略甜嘅醬汁，加上嫩滑嘅魚肉，一啲都唔腥；
甲羅燒仲有滿滿嘅鮮蟹肉同蟹籽，放上紫菜梳打餅上面食就最適合不過🤓。
串燒分別有日本汁燒免治雞肉棒(2串)、鹽燒雞軟骨(2串)、日本汁燒雞腎(1串)同日本汁燒手羽燒(2隻)，佢哋嘅汁燒秘方喺嚟自日本關西，香港未必有其他地方食到，甜而不膩，香而獨特，濃而不失原味，佢哋嘅醬汁可以話喺我食過咁多串燒以嚟嘅頭幾位⭐️，
出色嘅免治雞肉棒仲加入咗雞軟骨喺當中，焦香微脆嘅外層配埋撈勻咗嘅日本蛋漿🥚，真心難以抵擋佢嘅誘惑。不過就咁食呢個二人餐好似唔喺好夠飽，如果有埋主食就更加好🍚其實二人套餐喺包埋銀嶺月山ささら月純米酒(300ml)或大關花泡香柚子氣泡清酒(250ml)兩枝🍶，不過因為唔飲酒嘅關係，所以另外叫咗兩杯咖啡☕️——Cappuccino($42)同Latte($42)，估唔到竟然有超級大嘅驚喜😍，Cafe自己混合咗三款Houseblend咖啡豆：埃塞俄比亞水洗耶加雪夫G2、洪都拉斯特硬豆同哥斯達尼加塔拉珠，入口唔會太酸或太濃味，好易入口，相信會適合大部份人，
我飲嘅Latte仲有超靚龍貓🥰，Barista真喺會隨心比唔同嘅surprise你呢😏
張貼
