牛気 (新達廣場)

營業中

休息中

今日去大尾督行山，行完去大埔轉火車，實在太肚餓，等唔到返屋企先搵野食，就去左大埔火車站個新達廣場搵野食，這個商場只有幾間食店，都唔太吸引，見未食過牛氣就試下啦！去到只有三、四檯客，甘我地叫左「嚴選美國牛肩肉」90分鐘放題，唔使二百一個人，牛肉都唔錯，仲有雞腿肉同豚腩肉揀。我地叫左兩個湯底，一個蕃茄，另一個加錢叫左棉花糖湯底，棉花糖個湯底好特別，甜甜地，配牛肉又幾夾。除左主要肉類，佢仲有一個幾多選擇的自助位，飲品任飲，仲有幾款熟食，所以呢個價錢算抵食。這間餐廳食物方面不錯，但服務一般，有待改善！