Hakata Concepts

近排成日落雨，難得有日好天帶屋企人去黃金海岸行下，仲預早訂左鐵板燒同佢地食下。博 刺身拼盤除左鐵板燒，呢度仲可以叫刺身食，刺身食落幾新鮮。鐵板特選晚市定食 $298松葉蟹茶碗蒸有松葉蟹肉放落雞蛋入面，好足料，啖啖蟹肉，蒸蛋幾滑但無咩調味，全靠蟹肉調味。帆立貝廚師系我地面前燒，可以欣賞佢烹調每道菜式，帆立貝大大粒，燒到岩岩熟，有鮮甜味，配上特製袖子沙律醬汁。四元豚豚肉幾juicy，肉味幾濃，不過有少少過熟，配鹽味昆布葉，可以更加帶出肉既味道。另外配3款蔬菜，蔬菜加左牛油，所以好香。櫻花蝦炒飯廚師炒飯功價十足，最後仲整左個心形比我地睇。炒飯炒到粒粒分明，夠乾身，配左高質櫻花蝦，好香蝦米味，令整個炒飯增添色彩。麵豉湯、蕎頭漬最後以麵豉湯同蕎頭漬做結尾。呢個價錢食晚市鐵板燒的確少見，份量雖較少，但食物有返一定質素，想體驗一下鐵板燒但又吾想太貴可以試下呢間！