黃金廚房

營業中

休息中

老友們想聚一聚舊，好耐冇打邊爐，見深水埗新開咗呢間，所以就試下啦。咁我哋都係叫咗少少火鍋配料再嗌咗個酸菜魚，搭住嚟食。🐐出面多數火鍋都係肥牛好少話有羊嘅，所以就嗌咗試下啦。紐西蘭羊肉卷 $88，價錢合理。味道唔算好騷，食落都幾嫩滑。🧶另外做試咗佢哋嘅新鮮農場雞子 $128。都非常新鮮，入口夠滑唔會腥。🐟試埋經典菜式老壇酸菜魚鍋 $168。首先我想讚下佢嘅擺盤真係擺得幾靚。佢係呈一個圓形嘅構圖，例如啲辣椒就係圓形嘅邊，圍住啲酸菜魚。味道方面當然都好正，辣湯之中有酸酸咪咪嘅感覺，魚肉都鮮。