Bread and Bistro (已結業)

萬聖節前夕, 同好友去咗黃竹坑One Island South地下搵餐廳食晏, 揀咗Bread & Bistro, 記得好耐好耐之前都食過呢度嘅疏孚厘班戟, 幾好食的。我地被安排坐梳化位置, 好舒服, 餐廳樓底好高, 唔使驚隔離枱聽到我地傾偈嘅聲音。今次我就無再點pancake, 我地點咗壽喜燒安格斯牛肉烏冬, 燒腩肉意粉, Tiramisu。壽喜燒安格斯牛肉烏冬: 好濃嘅壽喜燒湯汁, 食得出牛肉質素幾好, 唔係平價貨, 烏冬都幾彈牙,  配料都非常多, 仲有芋絲、紅蘿蔔、白蘿蔔、日本魚蛋、粟米、海帶, 蘿蔔吸進湯汁, 非常甜, 好友勁欣賞燒腩肉意粉: 味道比較清淡, 可能係因為我無加少少檸檬汁去提味, 燒腩肉略為煎得不夠香, 不過加入車厘茄就清新好多萬聖節限定Tiramisu: 本身諗住應下節, 無諗到味道都幾好, 有驚喜,最喜歡呢杯Tiramisu, 質感唔濕, 蛋糕底, 而且唔係好甜