嚐館 (已結業)

黃大仙除咗拜神，仲係個大屋村，商場民生嘢為主，餐廳冇大商場咁呃錢。地鐵站C出口一上，就見到依間靚仔餐廳見晚餐價錢唔太貴，又有個舒適環境，就行咗入去試吓啦。男士點咗漢堡包晚餐，我就點咗中餐套餐都有跟湯同熱飲，中西湯味道都唔錯。煙肉波特菇芝士安格斯牛漢堡，材料豐富，但係牛漢堡似乎唔算好大件，但味道唔錯好多汁。佢中式套餐有好多款選擇，點咗個佢餐牌推介嘅士多啤梨骨，上枱見佢都幾大碟，本來以為佢骨多個肉，點知食落骨其實唔多，有嘅都係軟骨。